1.Гран-При: Попов Иннокентий Петрович
Усть — Алданский улус.
2.Лауреат 1 степени: Семенова Татьяна Петровна-Татыйаас
Амгинский улус
3.Лауреат 2 степени:
Рыкунова Надежда Николаевна-Кыыдаана
Намский улус.
4.Лауреат 3 степени:
Гаврильева Людмила Михайловна-Намчы
Верхневилюйский улус.
5.Дипломант 1 степени:
Егорова Маргарита Егоровна
Нюрбинский улус.
6.Дипломант 2 степени:
Евсеева Аксинья Афанасьевна-Өксүү
Абыйский улус
7.Дипломант 3 степени:
Иванова Светлана Дмитрьевна-Намыына
Мегино-Кангаласский улус.
***
Оҕо саас Саҥа дьыла.
Сыл-хонук ааһара түргэнин,
Сааһыра охсубут эбиппин,
Санаабар дууһалыын эдэрбин,
Саҥа дьыл абыгар-оҕобун.
Саныыбын оҕо саас кэмнэрбин,
Саҥа дьыл бэлэмэр сылдьарбын,
Сырдыгы-кэрэни саҕарбын,
Саҥаны,дьиктини күүтэрбин.
Суулуурбут хаардары баатанан
Ситимнии холбооммут ыйыырбыт,
Сулуһу кырыйан, кытардан
Сабынан тиһэммит иилэрбит.
Саҥа дьыл алыптаах дьуолкатын
Симээммит тырымнас уоттуурбут,
Сыдьаайар эриэккэс дьайыытын
Соргулаан дьиҥнээхтик үөрэрбит.
Саҥа дьыл салаллар киэһэтин
Суоттубут кулуубар ыларбыт,
Сэлиэнньэ эдэрдиин-эмэнниин
Сиэдэрэй маскараат буоларбыт.
Сиэниниин,Хаарчаана кыыһыныын
Саҥа дьыл Эһээтэ киирэрэ,
Суһумнуур дьуолканы эргийэн
Соргулаах эҕэрдэ этэрэ.
Сиэттиһэн хоробуот ырыатын
Саалаҕа доргуччу ыллыырбыт,
Ситэри бэлэҕи үллэстэн
Сырсаммыт,арааһы оонньуурбут.
Сүрэхтиин дьолунан туоламмыт
Сылааска куустаран дьиэлиирбит,
Саҥа сыл аймахтар мустаммыт
Сэргэхтик айхаллаан көрсөрбүт.
Сыллата харыйа көҕөрөн,
Сандаарар чыпчыҥнас уотунан,
Саныыбын оҕо саас дьуолкатын,
Саҥаттан күлүмнээн оонньуоҕун.
…….Ин.Попов…….Суотту…….
***
Бу-саҥа дьылы көрсүү
Тоҕо баҕас үчүгэйэй,
Тула барыта кэрэтэй,
Алыптыы дьиктитэй,
Абылыы сөҕүмэрэй…
Бигэ тирэҕи түстүү,
Бу-саҥа дьылы көрсүү,
Бэлэх-туһах күүтүү,
Бэтиэхэлэнэ көтүү.
Орто дойду суһума,
Оҕо саас харыйата,
Ойор саас эрчимэ,
Оо,эмэн саас эрэлэ.
Умайар тырыма,
Угуйар сыдьаайа,
Угуттуур умсулҕана,
Умнуллубат түгэнэ…
Сирдээҕи дьол
Сырдык илдьитэ,
Сыл-хонук кыната,
Саргытын тускула.
Дьиэ-кэргэн ил-эйэтэ,
Дьоро да киэһэтэ,
Дьулуһар ыра санаата,
Дьиҥ-чахчы таптала.
Көмүстүү күлүмнээн,
Күннүү сандааран,
Кэрэмэн кэскилэ,
Кэпсэнэр сэһэнэ.
Субугурдук өрүүтүн
Сөрү диэн сөхтөрөн,
Саҥа дьыл үөрүүтэ,
Салҕанныҥ үйэлэргэ.
ТАТЫЙААС
Чапчылҕан.
***
Снег кружится в тихом танце
Затевая хоровод,
Но в душе немного грустно
Ведь уходит — целый год…
А в домах сейчас мерцает
Разноцветием огней,
Словно в сказку приглашает
Разукрашенная ель…
С хвойным запахом смешался
Мандаринов аромат,
Воскрешая, возбуждая
В детство снова манит нас…
В каждом сердце поселилось
Ожидание чудес,
В эту ночь мы загадаем
Исполненья наших мечт…
В час волшебный и чудесный
К нам приходит Дед Мороз,
И взрывая фейерверки вновь наступит Новый Год !
Надежда Рыкунова — Кыыдаана.
Нам улууһа, Нам нэһ.
«Отуу уота» түмсүү.
Тел. 89141041287.
***
Саҥа дьыл.
Саҥа дьылбыт кэлэн иһэрэ,
Дьиктини,кэрэни эрэйэ,
Оҕо аймах үөрэр түгэнэ,
Көһүтэ үтүөнү эрэнэ.
Харыйа маспыт
симэнэ,
Араас өҥүнэн
киэркэйэ,
Эгэлгэ оонньуур
дьэргэйэ,
Маанылаах маспыт дьиримэ.
Күннээх чааһы кэтэһэ,
Чаҕылхай күөхпүт тырымныы,
Харах хатанар
киэргэлэ,
Тымныы оҕонньор
тиэтэйиэ.
Хаарчаана кыысчаан мичийэ,
Иэдэһин имэ тэтэрэ,
Дьоллоох кэммит
күүттэрбэккэ,
Саҥа дьылбыт тиийэн кэлиэ.
Үүнэр сылбыт сэргэхситэ,
Дьоһун дьолу сандаарыта,
Сырдык санаа
аргыстаһа,
Саргыланнын сылаас иэйии!!!
19.12.24.
НАМЧЫ
***
….. Кэрэтиэн Саҥа Дьыл.
Маҥан хаар үллүктүүр бу кэрэ киэһэҕэ
Олоҥхо дойдута Сахабыт сиригэр,
Тунал хаар туундара Хотугу кыраайбар
Саҥа дьыл салюта сандаара умайда
Уон араас өҥүнэн тырымныы умайда.
Кэрэтиэн Саҥа дьыл бу дьикти түгэнэ
Дьол, үөрүү кустуга халлааҥҥа оонньуура,
Хаар кыыһа Хаарчаана тэлээрэр үҥкүүтэ,
Саҥа сыл уолчааммыт эҕэрдэ эппитэ,
Дед Моруос оҕонньор алгыһын ыыппыта.
Дьиэ кэргэн уйата алаһа дьиэбитин
Эриэккэс көр — күлүү күйгүөрэ толордо,
Елкабыт уоттара күлүмнүү оонньоото,
Кириэмил чаһыытын кураана тыаһаата,
Ил Дархан илдьитэ күөх уокка көһүннэ.
Барыбыт сүрэҕэ биир тэҥник тэптэҕиэн
Дьиктини, кэрэни эрэнэ күүттэҕиэн:
Кэлэр сыл Ил эйэ холуубун көтүтүөн
Ол онтон бар дьоммут олуһун дьоллонуон,
Оһуохай үҥкүүтүн дьиэрэтэ ойутуон.
…. Маргарита Егорова.Ньурба.Чуукаар.
***
ТҮННҮК НӨҤҮӨ .
Үүнэр дьылы сэгэтэммин
Кистээн аанын арыйабын,
Оҕо сааспын эргитэммин
Үөһэ оргууй тыынабын …
Саҥа дьылы күүтэбин
Бары бииргэ буолаары ,
Кэрэ түүлү көрөөрү
Оҕо сааспар төннөөрү.
Түннүк нөҥүө сырдыы көстөр
Оҕо сааһым харыйачаана,
Дьэрэкээннээх уоттара
Абылаҥнаах остуоруйа.
Таһыгырыыр оһох тыаһа
Ийэм сандаар түбүк үөһэ
Киирэр аҕам, кэһии сүгэн
Үөрэ -көтөр оҕо -аймах.
Оргууй ааны сабабын
Эһиил эмиэ эргиллээри,
Түннүк нөҥүө манаары
Оҕо сааспын санаары …
ӨКСҮҮ.
***
Саҥа дьыл киэһэтэ.
Саҥа дьыл киэһэтэ -эһиэхэ
Саҥаны, сырдыгы аҕаллын,
Үөрүүлээх күннэри үксэтэн
Үтүөнү сүрэххэ иҥэрдин.
Саҥа дьыл киэһэтэ-эһиэхэ
Аргыыйдык сипсийэн тириэртин,
Алгыстаах тыллары этитэн
Алыптаах эйгэни арыйдын.
Саҥа дьыл киэһэтэ-эһиэхэ
Үүнэр түүн дьиктитин бэлэхтээтин,
Үргүйэр тыалы уҥуордаан
Үөрүүгүт чороонун толордун.
Саҥа дьыл киэһэтэ-эһиэхэ
Сырдык санааҕыт ыратынан,
Суһумнуур сулустуу көтүтэн
Сүрэххит кутаатын уматтын .
Саҥа дьыл киэһэтэ-эһиэхэ
Дьоҥҥут-сэргэҕит аатыттан,
Дорҕоонноох эҕэрдэ этиллэн
Дьолгут-соргугут тосхойдун!
Уруйдаан көрсүөҕүҥ
Саҥа дьылы!
Айхаллаан атаарыаҕыҥ
Эргэ сылы!
Светлана Иванова-Намыына.
«Догдоҥо дорҕоонноро».
Догдоҥо нэһилиэгэ.
***
ДИПЛОМАНТЫ:
1.Мойтохонова Анна Илларионовна
Верхневилюйский улус.
2.Шишигина Марфа Иннокентьевна
Мегино-Кангаласский улус.
3.Павлов Гавриил Спартакович-Хабырыыс
г.Якутск
4.Сивцева Елизавета Петровна-Күндэйэ
Таттинский улус
5.Кондратьева Мария Николаевна
Чурапчинский улус.
6.Сергеева Наталия Егоровна-Аана Кыыһа
Чурапчинский улус.
7.Харитонова Марфа Александровна-Чөмчүүнэ
Мегино-Кангаласский улус
8.Евсеева Каджана Николаевна-Чэлгийэ
Сунтарский улус.
9.Неустроева Марианна Ариановна-МАрыйаана
Амгинский улус.
10.Тарбахова Альбина Алексеевна-Таатта кыыһа
Таттинский улус.
11.Санникова Зоя Лукинична-Үчүгэй
Якутск
12.Еремеев Василий Васильевич-Василь
Сунтарский улус.
13.Иванова Зинаида Семеновна-Чөмчүүк
Хангаласский улус.
14.Иннокентьева Розалия Константиновна
Амгинский улус.
15.Меркурьева Антонина Павловна-Нууралдьын
Сунтарский улус.
16.Никифорова Наталья Николаевна-Сайыына
Сунтарский улус.