1.Гран-При: Дьааҥы Кыыһа Сыралы Дьэбдьиэй Сиэнэ
Усть — Янский улус.
2.Лауреат 1 степени: Еремеев Василий Васильевич-Василь
Сунтарский улус
3.Лауреат 2 степени: Егорова Варвара Николаевна
Сунтарский улус
4.Лауреат 3 степени:
Бережнова Мария Константиновна-Тупсууна Байды
Среднеколымский улус.
5.Дипломант 1 степени: Уран Күннэй Саргын кыыһа
Намский улус
6.Дипломант 2степени: Иванова Евдокия Семеновна
г. Якутск
7.Дипломант 3 степени: Анисимова Розалия Егоровна-Талбаана
Намский улус.
БИЛИИ КҮНЭ ЧУГДААРАР
Үөрүү-көтүү көтөллөөх,
Көрдөөх күлүү көҕүллээх,
Истиҥ ыра баҕалаах
Билии аана арыллар.
Үөрэх-билии кылааттаах,
Сойбот саҥа сонуннаах,
Кэрэ кэпсээн кэһиилээх
Билии аана сыдьаайар.
Убайдаатар убайдаах,
Эдьиийдээтэр эдьиийдээх,
Үрүҥ миэллиин тойуктаах
Билии аана угуйар.
Тэтэрээттиин аргыстаах,
Кинигэлиин доҕордоох,
Ахсыаҥкалыын үктэллээх
Билии аана ыҥырар.
Дьулуур, тулуур ийэлээх,
Ахсым үрдэл аҕалаах,
Ыраас, сырдык аартыктаах
Билии аана сандаарар.
Сиэргэ-туомҥа кыстыктаах,
Төрүт тылга олохтоох,
Өбүгэттэн тирэхтээх
Билии аана арыллар.
Дьэбдьиэй Сиэнэ
Дьааҥы
28.08.2025.
Билии күнэ.
Оскуолам үөрэххэ ыҥырда,
Угуйар ыллыга симэннэ -
Олоҕум биир үтүө түгэнэ
Оҕолуу дууһабар иҥиннэ.
Балаҕан ыйыгар чуорааммыт
Бастакы уруогу чугдаарта,
Бараммат билиигэ тураммыт
Биллибэт долгуйуу хам кууста.
Учуутал бу истиҥ мичээрэ,
Эйэҕэс ийэлии сыһыана-
Олохпут бастакы сирдьитэ,
Оҕо саас умнубат илдьитэ.
Бэйэҕэ эрэллээх буоларга,
Быстыбат доҕордуу ситимҥэ
Бары биир доҕуһуол тыынарга
Эрэли биэрдэҕиҥ биһиэхэ!
Чыпчаалтан чаҕыйан турбакка
Үрдүгү дабайан иһэргэ,
Инники буомнарга харбакка
Дьулуһуом , мин кэрэ эйгэҕэ!
В.Е.
Бастакы учууталга...
Бастакы учууталым Саха АССР оскуолаларын үтүөлээх
учуутала, РСФСР норуотун үөрэҕириитин туйгуна
Зоя Иннокентьевна Зедгенидзева сырдык аатыгар.
Оскуола боруогун атыллаан,
Сырдык, киэҥ кылааска киирэммин.
Аан бастаан үөрэммит кэмнэрбин,
Оо, олус күндүтүк ахтабын!
Саныыбын, сибэкки дьөрбөтө тутуурдаах.
Бастакы учуутал мичээрин,
Ийэлии уйаҕас сыһыанын,
Кэрэҕэ угуйар уруогун.
Билиигэ сирдээбит күн курдук киһибин,
Умнубат эбит мин сүрэҕим.
Эн тэлбит суолларгын хаҥатан,
Мин эмиэ учуутал буолбутум.
Билигин, Эн сахпыт сыдьаайгын сырдатан,
Үөрүүнэн мичийэр мичээрбин,
Саҥаны билиигэ тардыһар.
Кырачаан дьоннорго аныыбын.
Бастакы учуутал мөссүөнүн,
Сүрэхпэр иҥэрбит буоламмын
40 сыл устата үлэлээн, үөрэтэн
Олох устун хардыылыыр эбиппин.
Хоһоону суруйда Егорова Варвара Николаевна, Сунтаар улууһун Илимниирдээҕи сүрүн уопсай үөрэхтээһин оскуолатын алын кылааһын учуутала, Саха өрөспүүбүлүкэтин үөрэҕириитин туйгуна, “Саха сирин методиһа”, “Учууталлар учууталлара” бэлиэлэр хаһаайката, Илимниир нэһилиэгин бочуоттаах олохтооҕо.Үөрэх-билии күнүнэн!
Бүгүн билии кыһалара,
Үөрэх бары ааннара
Хас биирдии үөрэнээччини
Сэргии, үөрэ көрсөллөр.
Бүгүн дьоллоох бары аймах
Эбээ, эһээ сүрэх уулла.
Кыра сиэнчээн дуоспурунун
Хайгыы көрөн харах уулана.
Учууталлар сүргэлэрэ
Ордук күүскэ көтөҕүллэр,
Көр, ону бигэргэтэрдии
Сибэккинэн сууланаллар.
Бастыҥ тыллар ананаллар
Бастаан боруогу атыллааччыга,
Биитэр быйылгы үөрэх сылга
Үөрэх кыһатын бүтэрээччигэ.
Үөрэх-билии бары үктэлин
Хас биирдиибит ааһаабыт.
Арай онтон ким туһаммыт,
Сатабыллаах өрө тахсыа.
Олоххо ис кыаҕыҥ, ис билииҥ
Өрүү бэйэҕин өтө көрдөрүө
Онно өссө талбыт идэҥ
Туоххун-ханныккын быһаарыа.
ТУПСУУНА БАЙДЫ
Оҕо саас эйгэтэ
Оҕо саас -олоххут биир уһун кэрчигэ,
Остуоруйа дойдутун дьиктилээх эйгэтэ,
Оскуола дьоллоох уйатын биһигэ,
Оннук дии -кэрэ саас, мэник саас тиһигэ.
Билии киэҥ муоратын дириҥник өҥөйөн,
Бииртэн биир хайысхаҕа умсугуйа өйөнөн,
Билим, сатабыл, дьоҕур, өркөн өй-
Бииргэлэһэр үрдүк, үөрүүлээх өрөгөй.
Кыра кылаастан кыһаллан саҕалаан,
Кыһаттан элбэҕи иҥэринэ ылынан,
Оҕуруолуу тиһилиннин талба талааҥҥыт,
Оҕо саас суола -киэҥ, сырдык ааҥҥыт.
Оһуокай доҕордоох, эһиэкэй эҥэрдээх
Омуккутун ааттатар урааҥхайдар дэтиҥ,
Омуннаах-төлөннөөх, кыайыылаах-хотуулаах
Олоҥхо дойдутун оҕолоро бэркит!
_*Саргын кыыһа Күннэй*_
Дорообо оскуолам
Бастакы чуораанчык чугдаарар,
Оскуола боруогар ыҥырар.
Билиигэ- көрүүгэ угуйар,
Ыччаппыт сайдыыга тардыһар.
Сибэкки дьөрбөтө тутуурдаах,
Саҥаны билэргэ баҕалаах,
Кырачаан тэрбэйбит харахтаах,
Үөрэнэ киирэртэн үөрүүлээх.
Маҥнайгы эҕэрдэ хоһоонун,
Иһиттэн долгуйа ааҕарын,
Учуутал сэҥээрэ истиэҕэ,
Төрөппүт долгуйан ылыаҕа.
Үөрэҕим кыһата кэрэтиэн,
Ыраахтан сандаара киэргэйэн,
Сүүһүнэн ыччаккар тирэнээр,
Эрчимҥин эспэккэ үлэлээр.
01.09.2025
Иванова Е.С.
Учууталбар Анисья Гаврильевна Рехлясоваҕа
Өйдүүбүн сэттэбин туоламмын
Дьүөгэбинээн Лидалыын
Нулевой кылааска үөрэнэ
Оскуолаҕа кэлбиппит.
Кылаас аана аһыллан,
Кэрэ сырдык сэбэрэлээх
Эйэҕэс , истиҥ мичээрдээх
Эн киирэн кэлбитиҥ.
Биһиги кыракый оҕолор
Аптаах тылгар абылатан,
Тугу да түһэрбэккэ
Истэ сатыыр этибит.
"А" буукубаттан саҕалаан,
Үөрэх үрдүк кирилиэһин
Дабайарга бэлэмнээн
Элбэх сыраҕын биэрбитиҥ.
Пионер сурунаалтан ааҕаҥҥын
Ону тута сахалыы
Герой оҕолор тустарынан
Куруук кэпсиир буоларыҥ.
Араас сбордары көрсүһүүлэри
Саҥа дьыл араас түбүктэрин
Барытын эн тэрийэриҥ
Биһигинниин бииргэ сылдьарын.
Учуутал диэн кэрэ тылы
Эйиигин кытта дьүөрэлиибин.
Үйэм сааһым тухары
Өйбөр хатыы сылдьабын.
Балаҕан ыйын бастакытын
Куруук долгуйа көрсөбүн.
Үөрэх үтүө кыһатыгар
Хос сиэннэрбин атаарабын
Р. Анисимова-Талбаана
28.08.25
Хомустаах Нам
Дипломанты:
1.Старостина Зоя Ильинична - Кичэкэ
Верхоянский улус.
2.Копырина Елена Гаврильевна-Сайдыына
Усть-Алданский улус.
3.Павлов Гавриил Спартакович-Хабырыыс
г.Якутск
4.Санникова Зоя Лукинична-Үчүгэй
г.Якутск
5.Иванова Светлана Дмитрьевна-Намыына
Мегино-Кангаласский улус.
6.Аргунов Алексей Григорьевич-Мичиллэ
Среднеколымский улус.
7.Петрова Айталина Гаврильевна -Айталаана
Вилюйский улус.
8.Тарбахова Альбина Алексеевна-Таатта Кыыһа
Таттинский улус.
9.Руфова Евдокия Васильевна-Екия
г.Якутск
10.Милютина Анастасия Ивановна-Мичээрэ
Усть - Янский улус.
11.Евсеева Каджана Николаевна-Чэлгийэ
Сунтарский улус.
12.Андреева Светлана Дмитриевна -Маайа Сиэнэ
г.Якутск
13.Сорошева Дария Ивановна
Таттинский улус.
14.Иванова Таисия Ивановна
Нюрба-Якутск
15.Сивцева Елизавета Петровна-Күндэйэ
Чурапчинский улус.
16.Кондратьева Мария Николаевна
Чурапчинский улус.