1.Гран-При: Петрова Розалия Константиновна
Якутск
1.Лауреат 1 степени: Дьааҥы Кыыһа Сыралы Дьэбдьиэй Сиэнэ
Верхоянский улус.
2.Лауреат степени: Винокурова — Петрова Юлия Анатольевна
Хангаласский улус.
4.Лауреат 3 степени:
Кондратьева Мария Николаевна
Чурапчинский улус.
5.Дипломант 1 степени:
Никитина Любовь Федотовна-Тапталаана
Чурапчинский улус.
6.Дипломант 2
степени: Еремеев Василий Васильевич-Василь
Сунтарский улус
7.Дипломант 3 степени:
Бережнова Мария Константиновна-Тупсууна Байды
Среднеколымский улус.
Дипломанты:
1.Осипова Елизавета Николаевна
Нюрбинский улус.
2.Силина Розалия Михайловна
Якутск
3.Неустроева Марианна Арьяновна-МАрыйаана
Амгинский улус.
4.Сыроватская Татьяна Дмитриевна
Якутск.
5.Дьуһаал Соппуруон Кыыһа Райа
Чурапчинский улус.
6.Слепцова Екатерина Егоровна
Хангаласский улус.
7.Никифоров Валерий Васильевич-Чигди
Верхневилюйский
улус
- Абрамова Оксана Егоровна-Кэскилээнэ
Горный улус
9.Никифорова Наталья Николаевна-Сайыына
Сунтарский улус
10.Тихонова Антонина Иннокентьевна
Мегино-Кангаласский улус
11.Иванова(Лукина) Марина Титовна-Дьэргэстэй
Якутск
12.Петрова Татьяна Николаевна-Айтыына
Эвено — Бытантайский улус. - Сергеева Мария Егоровна
Мегино — Кангаласский улус - Григорьев Николай Николаевич — Шахтер
Нюрбинский улус.. - Старостин Александр Алексеевич
Верхоянский улус.
16.Назарова Мария Семеновна-Хаачылаана
Мегино-Кангаласский улус.
Махталбыт тылларын Эйиэхэ аныыбыт
Оскуола эйгэтин сүрэххэр иҥэрэн,
Кэнчээри ыччаттыын күннэтэ алтыһан,
Бараммат билиигин оҕоҕо иҥэрэн,
Учуутал — Эн буоллуҥ олохпут олуга.
Оҕону ис кутун сэрэнэ арыйан,
Олоххо дьоҕурун эрдэттэн такайан,
Кэрэни кэрэхсээн, үтүөҕэ угуйан,
Учуутал — Эн буоллуҥ олохпут суолдьута.
Бүтэһик чуорааммыт лыҥкыныыр күнүгэр,
Олох киэҥ аартыга ыҥырар кэмигэр,
Үөрэхтээх, сайдыылаах, үлэһит буолуҥ диэн
Учуутал доҕорбут алгыскын эппитиҥ.
Үөрэҕи батыһан үлэһит буоллубут,
Идэни баһылаан суолбутун тэллибит.
Дойдубут туһугар кылааты киллэрсэн,
Сайдыылаах олоҕу уһанса сылдьабыт.
Оҕо-саас күннэрин ахтыһар түгэҥҥэ
Оскуола кыһатын истиҥник саныыбыт.
Үөрэппит Учуутал үтүөкэн сүбэҕин
Сүрэххэ иҥэрэн киэн тутта кэпсиибит.
Олоххо сирдээбит, тапталы иҥэрбит,
Ийэлии сыһыаннаах амарах киһибит,
Махталбыт тылларын Эйиэхэ аныыбыт,
Сүрэхпит сылааһын күндүтүн ыытабыт.
Үтүмэн билиини иҥэрбит биһикпит-
Үйэлэр тухары сайда тур, саргылан!
Көлүөнэ ситимин тирэҕэ буолаҥҥын
Сыллары уҥуордаан Уруйдан-Айхаллан!
Розалия Петрова, Дьокуускай
Күндү Адыаччым 8 кылаастаах оскуолатын бары учууталларыгар аныыбын
КИҺИ БЭРДЭ БУОЛЛАХПЫТ
Ып-ыраах саҕахха сирдээбит
Учуутал эдьиийгэ махталбыт,
Күн тэҥэ сылааһын тарҕаппыт
Учуутал убайга тапталбыт.
Кыракый дьоннору уһуйан
Үөрэҕи иҥэрэ иэтэргит,
Күн аайы сонуну арыйан
Барыбыт сүрэҕин сүүйэргит.
Харандаас тутаммыт сурааһын
Устата туһатын билбиппит,
Каартаҕа уруһуй түһэрэн
Сир ийэ киэҥ дуолун сөхпүппүт.
Дьиҥ-дьиҥнээх бичиккэ тирэнэн
Былыргы үйэҕэ тиийбиппит,
Сөҕүмэр күөх халлаан эттигин
Ытыска тутаммыт үөрбүппүт.
Пушкинтан саҕалаан бастакы
Ып-ыраас тапталы туойбуппут,
Шишкинтан тапталлаах дойдуга
Бэринии сыдьаайын ылбыппыт.
Ааа дорҕоонтон саҕалаан
Аан дойду тутулун аспыппыт…
Киэҥ аартык ыллыгар арыаллаан
Аар Билии сүүрүгэр тиэрпиккит.
Махталбыт-тапталбыт Эһиэхэ —
Үйэбит чаҕылхай сулуһа,
Билиигит-көрүүгүт биһиэхэ
Олохпут быстыбат аргыһа.
Ытыктыыр тылларбыт сүмэтин
Түмэммин хоһооммор тистэҕим,
Оҕолор барыбыт аатыттан
Уруйу-айхалы тиэртэҕим.
Дьэбдьиэй Сиэнэ
Дьааҥы
25.09.2025.День учителя.
Осенней порой вспоминается школа
Тетрадка в линейку,учебник,дневник,
Звонок на урок энергичный,весёлый,
И представляешь,что вновь ученик.
Твой класс,ровно залитый солнечным светом,
И парта на первом ряду у окна
Легко отворяется дверь кабинета,
С журналом и книгами входит она.
Усталые плечи в накинутой шали.
Причёска блестит сединой на висках,
И столько заботы,
любви и печали,
В покрытых морщинками добрых глазах.
Вы нас научили мечтать,
удивляться,
Любить, окружающий мир
понимать,
Делами великих людей восхищаться,
И в собственной жизни
высот достигать!
В мир сложных вещей отворяя нам дверцу,
Туда осторожно вводили наш класс .
Кусочек горячего,доброго сердца.
С любовью оставили в каждом из нас.
Винокурова -Петрова Юлия Анатольевна
Фронтовик- Учуутал Степан Кузьмич Макаровка ананар.
Күммүт уота чаҕылыйан
Күһүҥҥүтүн аҕалла,
Оскуолабыт арылыйан-
Үөрэх дьыла аһылынна.
Алтан чуораан лыҥкыныы
Кылаастарга атаарда,
Учууталбыт мичээрдии
Кылаас аанын арыйда.
Уоттаах сэрии үөһүттэн
Баттык мастаах кэлбитэ,
Биһигини үөрэтэн
Үөрэх күүһүн биэрбитэ.
Учууталы ытыктаан
Чуумпурарбыт иһиллээн,
Билии баайын сомсуһан
Кыһалларбыт үөрэнэн.
Учууталы кэриэстээн
Аһыллыбыт кыһата,
Кини аатын бэлиэтээн
Түһэрдилэр үйэтитэн.
Кондратьева Мария Николаевна
Чурапчы
Учуутал
Дьоһун киһи буоларга,
Олох суолун тутарга,
Үөрэх, билии төрдүгэр
Үктэл уурар учуутал.
Туора туран хаалбакка Инникигэ идэҕин
Сөпкө талан ыларга
Сирдиир эбит учуутал.
Дьоннуун тэҥҥэ кэпсэтэр,
Куттаммакка быһаарсар
Санаа сайа этиитин
Ирдиир эбит учуутал.
Олох түргэн сүүрүгэр
Сыыһа-халты охсуллан
Көнө суолу тутус диэн
Этэр эбит учуутал.
Учуутал үрдүк аатын
Өрүү өрө тутуохха,
Билии биэрэр киһиэхэ
Махтал тылын этиэххэ.
Никитина Любовь Федотовна — Тапталаана
Учууталга бокулуон!
(Тапталлаах Байдым Налимскай аҕыс кылаастаах оскуолатын учууталларыгар аныыбын)
Учуутал — суобас, учуутал — тыын,
Учуутал үөрэх кыһатыгар тыы.
Учуутал өрүү инники сирдиир,
Оҕолортон чиҥ билиини ирдиир.
Тыа сиригэр солбуллубат артыыс,
Ыччаты иитиигэ чаҕыл сындыыс.
Бары түбүк, үлэ, субуотунньук
Учууталы кытта өрүү ордук!
Учуутал куруук харах далыгар
Хас биирдии ыалга ыраас холобур.
Учуутал эппитэ кэһиллибэт сокуон
Дьиэ кэргэнинэн дириҥ бокулуон!
ТУПСУУНА БАЙДЫ
Орто-Халыма
24.09.2025.Учууталбар Л.Н. Сорокинаҕа аныыбын.
Учуутал эдьийбэр
Улахан олоҕу эргитэ туттахха,
Уһун суол аартыгы сэгэтэн көрдөххө,
Уҥуоргу биэрэги одуулаан турдахха,
Умнууга хаалбыты санаһан ыллахха.
Ураты көрүүлээх учуутал эдьийбит,
Улуукан олохпут аартыгын арыйбыт,
Уйаара көстүбэт ол сүдү үөрэҕэ,
Уҥуора биллибэт ол дириҥ билиитэ.
Уйаҕас буоларга, ол сырдык санаата,
Уһуйан үөрэппит, оҕолуу биэбэйэ,
Уостубат тапталы биһиэхэ тиэрдиитэ,
Учуутал эдьийбит истиҥин бэлиэтэ.
Уһуннук үлэлээн, түбүгү көрсөҥҥүн,
Учуутал үрдүк аат бочуотун ылаҥҥын,
Уран тыл оһуорун үөрэппит дьонноруҥ,
Утары уунабыт бу кэрэ киһиэхэ.
Уйгулаах олоҕу эйиэхэ баҕаран,
Уһун суол олоххун дьолунан толорон,
Урааҥхай омугу сырдыкка уһуйан,
Учуутал эдьийбит уп-уһун олохтон.
В. Е