1.Гран — При: Афанасьева Туйаара Анатольевна-Туйаарыма
г.Якутск
2.Лауреат 1 степени:
Винокурова Надежда Егоровна
Усть-Майский улус.
3.Лауреат 2 степени:
Тимофеев Николай Васильевич
Вилюйский улус.
4.Лауреат 3 степени:
Семенова Татьяна Петровна
Амгинский улус.
5.Дипломант 1степени:
Дьааҥы Кыыһа Сыралы Дьэбдьиэй сиэнэ
Верхоянский улус.
6.Дипломант 2степени:
Иванова Евдокия Семеновна
Якутск
7.Дипломант 3 степени:
Еремеев Василий Васильевич-Василь
Сунтарский улус.
Дипломанты:
1.Трофимова Наталья Александровна
Покровск
2.Пудова Татьяна Егоровна-Татыйаас
Хангаласский улус.
3.Милютина Анастасия Ивановна -Мичээрэ
Усть-Янский улус.
4.Старостина Любовь Николаевна-Чөрүмчээнэ
Верхоянский улус.
5.Иванова Зинаида Семеновна-Чөмчүүк
Хангаласский улус.
6.Павлов Гавриил Спартакович
Якутск
7.Нутчин Николай Николаевич-Дьуур
Олекминский улус.
8.Соломонова Вера Степановна
с.Улахан — Ан
9.Петрова Айталина Гаврильевна-Айталаана
Вилюйский улус.
10.Сорошева Дария Ивановна
Таттинский улус.
11.Грригорьев Николай Николаевич-Шахтер
Нюрбинский улус.
12.Санникова Зоя Лукинична-Үчүгэй
Якутск
13.Яковлева Сардана Владимировна
Намский улус.
14.Лукин Семен Титович- Тиит уола.
15.Кэрэ — Киинэ Кыталыына Баһыкаан сиэнэ
город Сочи
16.Сыроватская Татьяна Дмитриевна
город Якутск
Сааскы айхал
Бу кэннэ тымныыбыт уост уоҕа
Муус устар сылааска суул уоҕа,
Айылҕа киэркэйэ уһукт уоҕа
Дьэрэкээн өҥүнэн туол уоҕа
Күөл мууһа сотору уулл уоҕа
Өрүспүт да эстэн уст уоҕа,
Куба кыыл ол онно буол уоҕа
Кэрэчээн көстүүнү уун уоҕа.
Күнтэн күн күлүмнүү ооннь уоҕа
Күндэлэс уотунан кууһ уоҕа,
Толооҥҥо туруйа туой уоҕа
Тапталын ол онно бул уоҕа
Хатыҥ маспыт суугун уоҕа
Нарыннык -намчытык тутт уоҕа,
Кыыс оҕолуу симэнэн тур уоҕа
Алааспыт киэргэнэн тупс уоҕа
Оччоҕо ырыа тойук хоһулл уоҕа
Уостан түспэккэ туойулл уоҕа,
Долгуйа сүрэхпит уулл уоҕа
Дьол соргу толору тосхой уоҕа
Туйаарыма
СКОРО, СКОРО ЗАЦВЕТУТ САДЫ,
ПОД МАЙСКИМИ ЛУЧАМИ.
И СНОВА РАСЦВЕТУТ ПЕРВЫЕ ЦВЕТЫ,
НА ЛУЖАЙКАХ ЗАПЕСТРЕЮТ САМИ..
КОВРОВЫЕ ПОЛЯНЫ НА ОТТАЯВШЕЙ ЗЕМЛИ,
НЕЖНЫЕ, ДУШИСТЫЕ ПОДСНЕЖНИКИ ВЕСНЫ.
МЯГКИЕ, ПУШИСТЫЕ,БУДТО В ШУБКЕ,
БУКЕТИКИ ТВОИ…
ДАРИТ НАМ ПРИРОДА ЧАСТИЧКУ КРАСОТЫ …
ЖДЁМ КОГДА РАСТАЕТ СНЕГ В АПРЕЛЕ,
ЗАПОЮТ ПЕРЕЛЕТНЫЕ ПТИЦЫ,
ДАВНО УТИХЛИ СНЕЖНЫЕ МЕТЕЛИ,
И ВЕСНА НЕ ЗНАЕТ СВОИХ ГРАНИЦ.
ДУША ПОЁТ,А СЕРДЦЕ ПРОСИТ,
АРОМАТЫ ВЕСЕННЕЙ КРАСОТЫ.
ЦВЕТЫ СКОРО ЗАЦВЕТУТ, НИКОГО НЕ СПРОСЯТ,
ДАРЯ ЛЮБОВЬ ВАМ , ВЕСНЫ…..
Винокурова Надежда Егоровна
СААС КЭЛИИТЭ
Уһун кыһын кэнниттэн
Уорааннарын киэр кыйдаан,
Улуутуйар уордарын
Уодаһынын уҕарытан.
Чымаан тымныы тыыныттан
Чачатарын уоҕуттан,
Чысхаан- силлиэ хаарыттан
Чиҥник тибэр тыалыттан.
Босхолонно болуотуттан
Бобо ылбыт буомуттан,
Бороҥ күнүн бодотуттан
Бохсор боҕуу кыаһыытыттан…
Саймаарыйда сааскытыйан
Салгын биллэр сылааһыттан,
Сыралыйда ылааҥҥыран
Сырдык күнүн күлүмүттэн.
Сааспыт кэлбит илдьитэ
Туллук үөрэ билиннэ,
Сарайдартан таммахтар
Таммалыыллар тохтоннор.
Кэлиэ күүскэ ириэһин
Кэмин тута тургутан,
Кимиэлээхтик хаара уулла
Кэрэ кэмин ыһа тула.
Сыккыс уута сыыйыллан
Сыһыыларга кутуллуо,
Сиҥэлээбит күөлэ сулан
Сиккиэр тыалга долгуннуруо.
Куһа- хааһа мустуоҕа
Куугун саҥа хойдуоҕа,
Кэҕэ этэн кэрии тыаҕа
Кэрээбэккэ туойуоҕа.
Сандал сааскы сылам күнэ
Дьиримирдии оонньуоҕа,
Санаа хоту үөрүү үүнэ
Дууһа кылын таарыйыаҕа.
Айылҕабыт илэ тиллэн
Арылыйа сырдыаҕа,
Аман алгыс этиллэн
Айгыр- силик тупсуоҕа.
КУОЛА ТЫЛГЫНЫ 12.04.2026.
Сааһы көрсө сүрэх үөрэр
Сахам сиригэр
Сир ийэ күөнүгэр,
Сандал сааһы көрсө
Сүрэх манньыйа үөрэр.
Саҥа күн саһарҕата
Сааскы кэм бэлиэтэ,
Сылаас иһэр илдьитэ,
Сыдьаайар эйгэтэ…
Сандаар сылама,
Сибиэһэй салгына,
Сэргэх дьүрүскэнэ,
Сайдам үүт тураана.
Кэрэ долгураҥ кэмэ,
Күлүм чаҕыл бэлэҕэ,
Күндүтүн биллэрэ
Кэлбит эбит дии дэттэ.
Киэҥ куйаар далайа,
Күндүл халлаана,
Күөрэйбит күнэ
Көмүс утаҕын ыста.
Ону эрэ күүппүттүү
Олуур тыала тохтоото,
Ол кэннэ дьэ наардыы,
Ок-сиэ дэттэрэрдии…
Аар айылҕа барахсан
Аа-дьуотук ылсыһан,
Айылгытын эргитэн
Абылаата тулатын.
Ахтылҕана кэрэтэ,
Алаарытта,долгутта,
Аан сирэмин тэлгэттэ,
Аартыгын нэлэттэ.
Сэдэх умсулҕанын
Сэгэтэ арыйаммын,
Сэгэйэ үктэнэммин,
Сипсийэ ыллыыбын.
ТАТЫЙААС
Чапчылҕан.
Аптаах саас
Сандал сааһым мичийэн,
Чахчы даҕаны аптааххын.
Чаҕыллар күнүӈ мичээрин,
Тохтообокко бэлэхтээӈӈин.
Саӈарбат киһини саӈардан,
Ыллаабат бэйэбин ыллатан,
Сүрэҕим чопчутун таарыйан,
Хааһахтан хоһооммун хостотон.
Тырымнас чыычаахтар кэллиннэр,
Кыырайар халлааӈӈа көттүннэр,
Чуопчаара, чугдаара туойдуннар
Таптал уотун уматтыннар.
Оччоҕо саастарбын умнаммын,
Эдэрдии кэрэҕэ тардыһыам.
Мин эмиэ ыллыахпын баҕарыам,
Үөрэммин үӈкүүлээн да ылыам.
14.04.2026
Иванова Евдокия Семеновна,
Дьокуускай.
Сааспыт кэллэ
Күүппүт сааспыт кэмэ кэлэн,
Көмүөл мууһун көҥү көттө,
Көмүс дуйун көҥүл ыһан,
Кытыл устун киэптии ыста.
Бүтэй Бүлүүм мууһа хоҥнон,
Бүгүн сыыйа наллаан устар,
Биэтэк кытыл сирин булан,
Биэрэк сыырын өрө анньар.
Сүдү көстүү сонун буолла,
Сырдык күнүм миэхэ тыкта,
Сүүрүк хоту мууһу кытта,
Саппах санаам устар сырса.
Санаа чэпчиир, дууһа үөрэр,
Сааспыт кэллэ, мууһун үүрдэ,
Сахам дьоно сандал сааһа,
Сылаас кэммит кэлбит чааһа.
В.Е