Бэҕэһээ 17.04. дьаһалта дьиэтигэр 50 сыл бииргэ олорон «Кыһыл көмүс» сыбаайбаларын бэлиэтээн Хаҥалас улууһун бочуоттаах ыалларын кинигэлэригэр киллэрэр үөрүүлээх тэрээһин долгутуулаах чааһа буолла. Өктөм нэһилиэгин ытыктанар, тарбахха баттанар дьоһун мааны ыалларын Валентина Петровна, Антон Антонович Ноговицыннары ис сүрэхтэн эҕэрдэлээн тыл эттилэр нэһилиэк Аҕа баһылыга Александр Николаевич Большаков, специалист Людмила Анатольевна Алексеева, үөрэх-билим киин коллективын профсоюһун бэрэссэдээтэлэ Ольга Мартовна Слепцова. Кыһыл көмүс киэн туттар ыалларбытыгар Ноговицыннарга Уруй-Айхал буолуохтун!