Муус устар 18 күнүгэр Өктөмҥө А.С.Данилова аатынан «Барҕарыы» култуура киинэ уонна “Күбэйэ” уопсастыбаннай түмсүү тэрийиитинэн үгэскэ кубулуйбут улуустааҕы «Икки сулус» күрэх олус тэрээһиннээхтик, өрө күүрүүлээхтик буолан ааста.
Күрэххэ барыта 9 дуэт Булгунньахтаахтан, Уулаах-Аантан, Өктөмтөн кытыннылар. Дьүүллүүр сүбэҕэ Саха Өрөспүүбүлүкэтин култууратын туйгуна, Өктөмнөөҕү оҕо тыйаатырын оскуолатын дириэктэрэ Александра Ивановна Афанасьева, Өрөспүүбүлүкэтээҕи «Туой Хайа» ырыа күрэҕин кылаан чыпчаал кыайыылааҕа, Булгунньахтаах искусство оскуолатын преподавателэ Анна Валерьевна Торохова-Давыдова, «Күбэйэ» уопсастыбаннай түмсүүттэн Надежда Николаевна Кардашевская үлэлээтилэр.
Өктөмтөн дьиэ кэргэнининэн Миралюба Манчаровна, Борис Николаевич Саморцевтар, Анна Кимовна, Василий Николаевич Алексеевтар, эдьиийдии балыстыы Ванесса, Василисса Ксенофонтовалар, Надежда Егоровна Максимова уонна Александра Николаевна Прокопьева олус чаҕылхайдык ыллаатылар.
Түмүккэ, дьүүллүүр сүбэ быһаарыытынан кыайыылаахтар быһаарылыннылар. Ол курдук, «Иэйиилээх ырыаһыттар» анал ааты Ольга Алексеевна Кривошапкина, Елизавета Юрьевна Большакова, «Кэрэхсэбиллээх ырыаһыттар» Ньургустаана Петровна Баишева, Ольга Сергеевна Емельянова, 3 ст. дипломан Василиса Владиславовна, Ванесса Владиславовна Ксенофонтовалар, 2 ст. дипломан Туйаара Константиновна Неустроева, Евдокия Константиновна Петрова, 1 ст. дипломан Раиса Петровна Сысоева, Андриан Семенович Белолюбскай, 3 ст. лауреат Анна Кимовна, Василий Николаевич Алексеевтар, 2 ст. лауреат Надежда Егоровна Максимова, Александра Николаевна Прокопьева, 1 ст. лауреат Миралюба Манчаровна, Борис Николаевич Саморцевтар дьиэ кэргэн буоллулар. “Кылаан Чыпчаал” кыайыылаахтарынан Булгунньахтаахтан сылдьар Серафима Петровна Уварова, Клавдия Степановна Сергеева буолан үөрүү өрөгөйүн биллилэр.
Бу киэһэ биллиилээх ырыаһыттар Иоганн Матвеев уонна Анна Торохова-Давыдова истиҥ иэйиилээх ырыаларын истэн көрөөччүлэр олус астыннылар. Надежда Черкашина салайар «Арылык» үҥкүү бөлөҕө тэтимнээх үҥкүүлэрин биһирээн көрдүбүт.
Бу күрэҕи иилээн-саҕалаан ыыттылар Моолтуун Кынат Өктөм уола уонна Уулаах Аантан Ариан Дмитриевич Никитин. Уолаттар кэпсээн-ипсээн, саҥаран-иҥэрэн бу күрэх киэһэтин олус киэргэттилэр. Уопсайынан, күрэх эмиэ да тыҥааһыннаах, эмиэ да истиҥ иһирэх, эмиэ да долгутуулаах буолан дьон-сэргэ биһирэбилин ылла.
Күбэйэлэргэ тэрээһини үрдүк таһымҥа ыыппыттарыгар махталбытын тиэрдэбит.
Федора Фомина