1.Гран — При: Сыромятникова Светлана Иннокентьевна
Верхоянский улус.
2.Лауреат 1 степени:
Максимова Варвара Егоровна-Тырымнаайы
Сунтарский улус.
3.Лауреат 2 степени:
Афанасьева Туйаара Анатольевна-Туйаарыма
Якутск
4.Лауреат 3 степени: Потапова Татьяна Иннокентьевна-Татыйык Мыла
Якутск
5.Дипломант 1 степени:
Иванова Полина Васильевна
Нюрба-Якутск
Дипломант 2 степени:
Ноговицына Мария Ивановна, Ай -Санаа
Кобяйский улус.
Дипломант 3 степени:
Дьааҥы Кыыһа Сыралы Дьэбдьиэй сиэнэ
Верхоянский улус.
Дипломанты-
1.Соломонова Наталья Владимировна
Оленекский улус.
2.Данилова Анна Семеновна-Сарыада
Якутск
3.Ефремова Татьяна Васильевна-эбээ Татыйык
Мегино-Кангаласский улус.
4.Кыймин Петр Петрович
Булунский улус.
5.Аржакова Софья Никифоровна
Таттинский улус.
6.Лиханов Анатолий Егорович
Хангаласский улус.
7.Соломонова Вера Семеновна
Оленекский улус.
8.Бережнова Мария Константиновна-Тупсууна-Байды
Среднеколымский улус.
9.Тыасытова Александра Григорьевна
Нюрбинсктй улус.
10.Николаева Елена Григорьевна-Күн Чаҕыла
Нюрбинский улус.
11.Старостина Зоя Ильинична-Кичэкэ
Верхоянский улус.
12.Милютина Анастасия Ивановна-Мичээрэ
Усть-Янский улус.
13.Сыроватская Татьяна Дмитриевна
Якутск
14.Филиппова Варвара Афанасьевна
Мегино-Кангаласский улус.
15.Мойтохонова Анна Илларионовна
Вилюйский улус.
16.Аммосова Альбина Афанасьевна-Күндээдинискэйэ
Нюрба-Якутск
Ньургуһун
Тырымнас күн уотун
Чаҕыллар кыымыгар,
Сандал саас салаллар
Бу кэрэ кэмигэр
Тоҥ буору тобулан
Ньургуһун тылынна,
Намчытык нуоҕайан
Сырдыкка таласта.
Хомурах хаар ууллан
Үрүйэ сыккыстыыр,
Сир ийэ уһуктан
Оргууйдук тыыллаҥныыр.
Үөһэнэн үөр хаастар
Сэлэлии дайаллар,
Ньургуһун кырдалын
Кырыйа көтөллөр.
Төрөөбүт төрүт буор
Угуйар мындаата,
Саһарчы толоону
Симээбит дьураата.
Ньургуһун сүрэҕи
Абылыыр нүөл сыта,
Хараҕы саататар
Бу дьикти хартыына.
Ньургуһун нуоҕайан
Күн диэки таласта,
Кэхтибэт кэрэни
Сүрэххэ саһыарда,
Сибэкки тапталтан
Тылларын саната,
Саас аайы тыргыллыа
Ньургуһун кырдалга.
Светлана Сыромятникова, Үөһээ Дьааҥы улууһа, Дулҕалаах нэһилиэгэ.
Ньургуһун-эрэлим
Хаар кырыа быыһыттан,
Харалдьык сириттэн
Сымнаҕас бэйэлээх
Ньургуһун үүнэҕин.
Айылҕа уһуктар,
Салгына минньийэр,
Дьикти кэм иһийэр
Сир күүһүн иһэҕин.
Чаҕылхай өҥүнэн
Тэһитэ көрөҥҥүн,
Тапталы хоһуйан
Нуоҕайа тыллаҕын.
Түү ньуолах бэйэкэҥ
Сылааска бигэнэн,
Кэрэкэ көстүүнэн
Уоскутар күүстээххин.
Мунаарар түгэммэр,
Мунчаарар да кэммэр
Эн бааргын-эрэлим,
Мин бөҕө тирэҕим-
Ньургуһун сибэкким.
Варвара Максимова -Тырымнаайы, Сунтаар.
Ньургуһуннар
Ньургуһуннар үүммүттэр сэг эйэ
Хонууну толорбуттар тэр эйэ,
Намчытык -нарыннык сэрб эйэ
Кырдалы биир гына нэл эйэ.
Ньургуһун ыһыаҕын дэл эйэ
Ол онно дьон -сэргэ тиэт эйэ,
Кэрэчээн көстүүттэн им к эйэ
Сүрэхтэн долгуйан эпп эйэ.
Айылҕа ол онтон киэрк эйэ
Дьон -аймах үҥкүүлээн дьэ т эйэ,
Оһуохай тылыгар ил- эйэ
Ньургуһун тойугар дэг эйэ.
Туйаарыма
Күүтэбин
Күүтэбин долгуйа өрүүтүн
Кэрэчээн ньургуһун тылларын,
Төбөтүн өндөтөр үөрүүтүн
Харалдьыт быыһыттан быгарын .
Бу хаардаах,бу тыйыс мин дойдум
Бастакы сиэдэрэй симэҕэ,
Күүтүүлээх сылааспыт илдьитэ,
Күөх сайын иһэрин бэлиэтэ.
Кыһыммыт барахсан арахсан
Кэрэтэ,хаардара баранар,
Сааскы уу чурулуу суккуллан
Хара сир тамаҕын ханнарар.
Сир ийэ уһуктан тэбэнэр,
Сэргэхтик тулатын көрүнэр.
Күн диэки үнүгэс тардыһар,
Хонууга ньургуһун нуоҕайар.
Ол онтон сааскы күн манньыйар,
Тырымын сыһыыга туһаайар.
Тыыллаҥныы харалдьыт быыһыгар
Мааны кыыс ньургуһун сандаарар.
Дорообо хорсун кыыс,ньургуһун!
Доргуччу эн сааһы уруйдаа,
Толоону ,сыһыыны толорон
Тапталы,сыдьаайы бэлэхтээ!
К үөх Ньурбам ньургуһуна
Ү үнэҕин тоӈ буору тобулан,
Ө лбөт-сүппэт үөстэнэн
Х аралдьыкка сааһын аайы…
Нь ургуһуннаах кырдалым
У мсугута ыӈырар,
ы Р аах да буолларбын
Б арыам этэ дойдубар…
А хтар-саныыр аҕам алааһыгар
М эӈэдьэкпэр, сайылыкпар…
Нь ургуһуннаах хонуубар
У луутуйа, дуоһуйа
ы Р аас санаа түмүллэн
ү Г үс хоһоон айыллан,
У остан түспэт ырыа буолан
у Һ угунна ньургуһун,
У мсугуйа, долгуйа
Н ьургуһуннаах аларбар
А лгыс тылын этиэҕим!
Полина Васильевна Иванова
Ньурба-Дьокуускай
08.04.26.
«Ньургуһуннар»
Сааскы күн дьаарбайа сылдьаммын
Кумахтаах кырдалбар дабайан,
Сөҕүмэр кэрэни көрөммүн
Сэҥээрэн, талбааран мүчүйдүм.
Бэс инньэ көмнөҕүн үтэйэн
Ньуолах түү умнаһын сэгэтэн,
Биэс салаа эминньэх тэрэтэн,
Намчытык үммүттэр ньургуһуннар.
Кэрэтик куоҕаһа симсэннэр,
Нарыннык сиэттиһэ куустуһан
Күн сырдыгар талаһа,
Ньургуһун үҥкүүтэ көһүннэ.
Сүргэбин көтөҕөн сэгэлдьийэ хаамаммын
Ньургуһун ырыатын истиҥник ылластым,
Туймаара дэгэйэ дайаммын
Үҥкүү абылаҥар кыттыстым.
Сэрэниин сэрэнэн нарыннык
Имэрийэн ылыахпын,
Дыргыл сытын иҥэринэ тыыныахпын,
Сэмэй кыыстыы имэ кэйэр,
Тэйэ түһэн кэмчиэрийэр.
Ньургуһуннар, ньургуһуннар…
Симик таптал иэйиилэрэ,
Эмчирээбэт сүдү күүстээх
Эмтиир сүрэх кистэллээххит.
Сааскы кэми киэргэтэр,
Көрбүт киһини кэрэхсэтэр,
Саха нарын ньургуһуна,
Дьоллоох харах үөрүүтэ.
Ай-Санаа, Кэбээйи (Лүксүгүн) 2026 с.
ТАПТАЛГА БИЛИНИИ
Ньургуһунуом, тымныыттан толлубат ыйааххын
Олуһун хайгыыбын, кэтэһэ ахтабын,
Ньуолах түү төбөҕүн тоҥ буортан быктаран
Күн диэки тардыһар дьулуургун сөҕөбүн.
Ньургун Куоом, хаҕыс тыал, хаар-хаһыҥ хаарыйбат
Модун күүс тыыннааххын, үйэлээх ааттааххын,
Туохха да бэриммэт, алыпка сууламмыт
Сахабыт симэҕэ бастакы тыллаҕын.
Кэннинэн кэхтибэт санааны иитэҥҥин,
Хотойугуом, эрэли үөскэтэр улуугун,
Ып-ыраас тапталы бу илэ көрөҥҥүн
Кистэлин иҥэрэ чэлгийэ тупсаҕын.
Ньургуһунуом, сыл аайы хонуубун симиигин,
Үрүҥ Күн сыламар сөтүөлээн ылаҕын,
Утаҕын иҥэрбит араҕас өҥҥүнэн
Үс куппун ыллатан үөрүү, дьол саҕаҕын.
Мин эмиэ эн курдук бу күнү таптыыбын,
Ааспыты ыытаммын харахтыын сырдыыбын,
Инники олохпун ыралыы түстүүбүн,
Кэлиэхтээх кэмнэрбэр илиибин уунабын.
Уохпар уох эбэҥҥин хардыыбын кэҥэтэн
Аартыкпын тэлэрбэр ураны бэристиҥ,
Хом санаа кыырпаҕын күдэҥҥэ көтүтэн
Үтүмэн үгүһү олугун уурустуҥ.
Эйиэхэ махтана таҕайан ылабын,
Кэрэчээн эйгэҕэр сыстаммын дайабын,
Нап-нарын намчыгар умсаахтаан тыыллабын,
Сэрэнэ, манньыйа быыскынан хаамабын.
Сиэмэҕин ыһаҥҥын дэлэйэ тарҕанаар,
Эһиил саас эргиллээр тулуургун үллэстэ,
Дойдубун киэргэтэ саҥалыы эн тыллаар,
Ньургуһун чэчигим, көрсүөхпүт ахтыһа.
Дьэбдьиэй Сиэнэ
Дьааҥы
29.04.2026.