1.Гран — При: Иванова Раиса Алексеевна-Мотуучук
Нюрбинский улус.
2.Лауреат 2степени:
Осипова Елизавета Николаевна-Тупсууна
Нюрбинский улус
3.Лауреат 1степени:
Семенова Татьяна Петровна-Татыйаас
Амгинский улус.
4.Лауреат 3 степени:
Бурцева Мария Семеновна-Чуораана
Верхоянский улус.
5.Дипломант 1степени:
Коркина Алиса — 4 класс
Якутский педколледж им.С.Ф.Гоголева нач.школа
6.Дипломант 2степени:
Портнягина Евдокия Егоровна
Усть Алданский улус.
7.Дипломант 3 степени:
Егорова Маргарита Егоровна
Нюрбинский улус
Дипломанты:
1.Неустроева Марианна Ариановна-МАрыйаана
Амгинский улус.
2.Илларионова Люция Федоровна
Оленекский улус.
3.Абрамова Оксаеа Егоровна
Горный улус.
4.Григорьев Николай Николаевич-Шахтер
Нюрбинский улус.
5.Андреева Светлана Николаевна
Чурапчинский улус.
6.Попова Варвара Куприяновна-Талаһалаах кыыһа.
Намский улус.
7.Старостина Любовь Николаевна-Чөрүмчээнэ
Верхоянский улус.
8.Рожина Елизавета Софроновна-Ил Ииһэ
Верхоянский улус .
9.Петрова Айталина Гаврильевна-Айталаана
Вилюйский улус.
10.Иннокентьева Розалия Константиновна
Амгинский улус.
11Иванова Таисия Ивановна
Нюрба-Якутск
12.Протопопов Эдуард Алексеевич
Вилюйский улус.
13.Еремеев Василий Васильевич-Василь
Сунтарский улус.
14.Павлов Гавриил Спартакович
г. Якутск
15.Меркурьева Антонина Павловна-Нууралдьын
Сунтарский улус.
16.Евсеева Каджана Николаевна-Чэлгийэ
Сунтарский улус
«Сайылыкпар»
Бэҕэһээ самаан сайыны көрсүһэ
Сайылыкпар тахса сырыттым,
Эмиэ санаан кэллим эргитэн
Арахпат ахтыл5ан о5о сааспын.
Бэҕэһээ күн сыралыччы тыгара
Халлаан былыта суох ып-ыраас,
Күөрэгэй үөһэнэн көтө-дайан
Дьыры-дьыры дьыр ыллыыра.
Бэҕэһээ этэ, оҕолор биһиги
Харааччы буспут отонунан,
Бүтүөммүтүн толорон
Дьоммутугар тиэтэйэрбит.
Бэҕэһээ этэ,.оҕолор биһиги
Ынахпыт кыстыыр отун,
Ардахтан куоттаран
Харбаан бугуллаан кээһэрбит.
Бэҕэһээ этэ,. о5олор биһиги
Лааппы массыынатын көрөн,
Тэҥҥэ сырыһыннаран сүүрэн
Лампысыай кэмпиэт эмэрбит.
Бэҕэһээ этэ,. о5олор биһиги
Хапта5астаан кэлээт,
Аҕабыт тилэҕин батыһан
Куобах туһаҕын көрөрбүт.
Аһаҕас халлааҥҥа хайыһан
Ыанньык хаһаабын көрдүм,
Эмэх хаптаһын,дьэбин тимир
Элээмэлэрэ эрэ хаалбыттар.
Тэйиччи хаампыт ыллыкпын
Синийэн суоллуу сатаатым,
Харахпар оҥорон көрөммүн
О5о саастыын сиэтистим.
Эбээ,эбээ эй дуорааҥҥа охсуллан
Сиэннэрим саҥаларын иһиттим,
Баарбыаан,.диэн харда эттим.
РАИСА Мотуучук. 22.05.2026. Сүлэ нэһилиэгэ.
Оҕо сааһым ыркыйдара
Кэлэн ааспыт ыллыктара,
Оҕо кутун туппут күөхтэрим,
Күлүм күнүм аргыстарым…
Оҕо буолан чуумпутук
Чооруостуу чомчоччу,
Чөмчүүктүү чүөкэйэн,
Чуораанныы чуопчааран…
Оҕотук саастарбар
Оччугуй да кэмнэрбэр,
Ойуулаан көрөрбүн,
Ордугун эрэ таларбын…
Кэмин кэрэ түгэнин
Ийэлээх аҕам сыаннастара,
Ыраас сырдык буолуутун,
Киһи буолан улаатарбар…
Ытык саастарыгар эйиэхэ
Иитэр иэстээххин этэн,
Туохха да тэҥнэммэт сүрүнү,
Сөптөөх суолун тобулан ииппитин…
Олоҕу бэлэхтээбит чиэһин
Араас түгэннэри туорууру,
Такайыллыбыты иҥэрбитин,
Олохпут суолун ыйбытын…
Оҕо саастан үлэ үөрүйэхтэрин
Үчүгэй өрүттэрин көстүүтүн,
Биир киһи туруга тубустаҕына,
Дьулуурдаах буолууга үөрэтииҥ…
Үлэни оҕо саастан кыайдаххына
Ситиһииҥ өссө үрдүүрүн,
Куһаҕаны араара үөрэнииҥ,
Олоҕу ортотунан олорууҥ…
Махтал ис сүрэхтэн этэрин
Ыраас иэйииҥ төннөн кэлэрин,
Өйүҥ — санааҥ ситиһиитинэн,
Бэйэҕэр дьолунан туоларын…
Өбүгэбит кэскилин тэринэн
Олох олорон ааспытын,
Ытыгылаан ыраас ымыыларын,
Ону сатаан туһанаргар…
Таптал , махтал дьол Өрүү баар буоллун!
Оҕо буолан улаатан
Кэскиллээх олоҕу баҕарыахха!
Тупсууна Чаппанда
Мин эмиэ оҕо этим
Сып-сырдык оҕо саас ыраас өйдөбүлэ,
Сып-сылаас ийэм истиҥ да таптала,
Сылтан сыл үрдүккэ дабатар үктэлэ,
Субу баардыы умнуллубат анала.
Олоххо биирдэ эрэ бэриллэр оҕо сааһым,
Ойуу-мандар дьикти чөмчүүк тааһым,
Оннук өйбөр-сүрэхпэр баар аргыһым,
Орто туруу дойдуга чаҕылхай сулуһум.
Олус да күндүгүн хас биирдии күнэ,
Ол,ыраах хаалбыт мэник-тэник түгэнэ,
Ороһуйа сырсан ылар кэм оргуйар үгэнэ,
Оо,сындыыстыы элэстэммитэ түргэнэ.
Биэс харчы төлөөн киинэҕэ сылдьарбыт,
Бэтиэхэ хаата диэн биһиги буоларбыт,
Биллэн туран төһө да дьаралыннарбыт,
Бэтэнээскилэр күлэн да бычыгыраһарбыт.
Сайыҥҥы нуурал киэһэҕэ мустарбыт,
Сыыһа-халты аһаат, ыксаан сүүрэрбит,
Сылайбакка дьэ, оонньуур да этибит,
Сымсалар былаах былдьаһан сырсарбыт.
Сүрдээх сэрэҕи эрэйэр лапта оонньуу баара,
Сэрэнэ-сэрбэнэ харах кылахычыйара,
Сыҕарым дьэ сүүрүмэ эрэ,мээчик табара,
Сутурук саҕа да буоллар дьэ кэһэтэрэ.
Хаатыҥка оҥотторон кэтээрибит,
Хотоҥҥо сүөһү түүтүн тарбыырбыт,
Хата күнү-дьылы билбэккэ аһарарбыт,
Хайаатар даҕаны ону туттарарбыт.
Кылаастаары араас тааһы мунньарбыт,
Кыырайа ыстанан ыскакаалкалыырбыт,
Куукула оонньоон олус астынарбыт,
Кыһаллан да буортан ас астыырбыт.
Бэһирэ өйдөбүллэр субуһаллар,
Бүччүм ахтылҕаҥҥа куустараллар,
Бүтэйдии ис куккун таарыйан долгуталлар,
«Бээ,мин эмиэ оҕо этим»-дэттэрэллэр.
Кэм кэрдии кэрэ эргиирэ ааспыта,
Күндэлэс күннүү арҕаа аларга саспыта,
Көмүс ыллыкпын дуйунан саппыта,
Күндү эмэн саас аартыгын аспыта.
ТАТЫЙААС
Чапчылҕан.
2026с.
Оҕо саас
Орой мэник оҕо саас
Омун төлөн оҕо саас,
Ойор тэбэр оҕо саас
Омолуйар оҕо саас.
Оһуор үктүүр оҕо саас
Олонхолуур оҕо саас
Оһуокайдыыр оҕо саас
Оһуор тиһэр оҕо саас.
Атаахыйа оҕо саас
Алы гынар оҕо саас,
Арчыланар оҕо саас
Алгыстанар оҕо саас.
Ийэ таптыыра оҕо саас
Аҕа көтөҕөрө оҕо саас,
Эбээ имэрийэрэ
Эһээ сүбэлиирэ .
Сүүрэр көтөр оҕо саас
Саһа оонньуур оҕо саас,
Үнкүлүүргэ оҕо саас
Дьиэрэнкэйдиир оҕо саас.
Бурцева Мария Семеновна,Чуораана,Үөһээ Дьааҥы ,Сайдыы
Кыра этим.
Кыра этим,
Хаамар этим,
Эбэбин кытта
Хотоҥҥо сылдьарым.
Кыра этим,
Өйдүүр этим,
Ынахтарым ааттарын
Барыларын билэрим.
Кыра этим,
Саҥарар этим,
Эбэм ырыаларын
Үтүктэн ыллыырым.
Эбэм хайгыыра,
Эһэм сөҕөрө,
Ийэм үөрэрэ,
Аҕам астынара.
Сэттэбин туоламмын
Үөрэнэ барбытым
Ааҕабын,суоттуубун
Ыраастык суруйабын.
Элбэххэ үөрэтэр
Эбэм көмөтүнэн
Хоһоон айарга
Холонон көрөбүн.
Кыратык улаатаат
Куоракка көспүппүт,
Сахалыы саҥарар
Кылааска киирбитим.
Кыракый эрдэхпиттэн
Биэбэйдээн харайбыт
Эбэбин ахтабын
Сибээспин быспаппын.
Кып-кыра бэйэм
Туһа киһитэ буоллум,
Туйгуннук үөрэнэн
Төрдүһү бүтэрдим.
Коркина Алиса, 4 кыл. С.Ф.Гоголев аатынан Дьок.педколледж начальнай оскуолата.Оҕо сааһым сарсыардата
Сөрүүкээбит дьиэҕэ
Сарсыарда эрдэ туран,
Оһоххо хардаҕас симэн,
Тырыыҥка тыыран,
Саккаа уган оттон,
Чачыгыраччы умайан
Сылааһынан илгийдэ.
Муустаах буочукаттан
Тимир хомуоһунан
Кылыгырата тыаһатан
Чаанньыкка уу кутуллан
Оһох үрдүгэр ууруллар,
Оргуйан бидилийэн
Тардыллар кытыыга.
Сырдыы илик халлааҥҥа
Хараҥаны бүрүнэн,
Тымныыны үтэйэн,
Туманы будулутан,
Хотон аанын хаачыгыраччы
Аһан сииктээх сылааска
Иһирдьэ дьылыс гынна.
Ынахтар барахсаттар
Бускуччу тыыналлар,
Кэлиргэҕэ бааллан туран
Иччилэрэ киирбитигэр
Эйэргээн ыҥыраннылар,
Ньиирэйдэр ийэлэрин эмээри
Мэҥирэһэн ыллылар.
Биэдэрэ тыаһа лаҥкынаата,
Ынах ыанан күүгэнинэн туолла,
Хотон ыраахтааҕыта бөтүүк
Кынатынан сапсынан,
Хараҕын муҥунан көрөн
Хаһыытаан ыыра барда,
Уруйданна сарсыарда.
Дьэ, халлаан сырдаата,
Дьиэ иһэ сып-сылаас,
Итии чэй иһэн бурулатан,
Күөрчэх, лэппиэскэ мотуйан,
Көрөбүт түннүгүнэн
От тиэйэр тыраахтар ааһарын
Бу-оҕо сааспыт сарсыардата.
Евдокия Егоровна Портнягина
Бороҕон, Уус Алдан.
2026с.
…….. Куустардаҕым абылата.
Сайыҥҥыбыт сыламынан
Сырдык, сылаас сыдьаайынан
Сайа охсор салгынынан
Сайаҕасчай санаам сайдан
Саҕахтарга былыр саспыт
Санаттаҕа оҕо сааспын.
Күлэр күнүм көөчүгүнэн
Күлүмүрдэс бэҋэтинэн
Эппин — сииммин эймэнитэн
Эриэккэсчэй эргимтэҕэ
Эргичитэ көтүттэҕэ…
Эһээкэйбэр эргиттэҕэ…
Даллаҥныыра чыычаах тэҥэ
Илиичээммин өрө ууна
Солколуура кырыс устун
Бастыҥ хардыы оҥороммун
Онтон олус дьоллонноҕум
Дьоммун эмиэ дьоллоотоҕум.
Сибэккиттэн сибэккигэ
Ити түһэр лыаҕы сырса
Хонуу устун дьиэрэҥ тэбэн
Имим кыыһа тириттэҕим..
Онтон олус илистэммин
Көлдьүн күммүн бүтэрдэҕим.
Самаан сайын салаллыыта
Эһэм,эбэм сайылыгар
Чээкэ сиэнчээн көһүстэҕим,
Ньирэй үүрэн элэстэнэн
Оройбуттан сыллаттаҕым
Сылаанньыйа таптаттаҕым.
Ыҥаа сааһым кырдалыгар
Кынаттана кыырайдаҕым…
Оҥоойуктаах оҕо сааспар
Умустаҕым умсаахтана…
Ахтылҕаннаах абылаҥар
Куустардаҕым абылата…
…. Егорова Маргарита.Ньурба.Чуукаар.