Поздравляем победителей республиканского конкурса авторов «Эбэм барахсан»
Гран -При: Андреева Светлана Николаевна-МаайаСиэнэ
г.Якутск
Лауреат 1ст: Бурцев Владимир Гаврильевич-Болуодьа Мэйик
Ленский улус.
Лауреат 2ст:Азарова Надежла Егоровна-Алаас Илгэ
Намский улус.
Лауреат 3ст:Борисова Наталия Александровна-Атаскаан Кыыһа
Мегино-Кангаласский улус
Дипломант 1 ст:Дьааҥы Кыыһа Сыралы Дьэбдьиэй Сиэнэ
Верхоянский улус.
Дипломант 2 ст: Еремеев Василий Васильевич — Василь
Сунтарский улус
Дипломант 3 ст: Лугинов Борис Степанович-Борис Борогонский
Усть-Алданский улус.,Борогонцы
Дипломанты:
1.Осипова Елизавета Николаевна-Тупсууна
Нюрбинский улус.
2.Павлов Гавриил Спартакович-Хабырыыс
г.Якутск
3.Прокопьева Елена Петровна
Мегино-Кангаласский улус.
4.Дьяконова Нюргустана Ивановна
Кобяйский улус
5.Поскачина Мария Еремеевна
г.Якутск
6.Аргунов Алексей Григорьевич-Мичиллэ
Среднеколымский улус.
7.Шишигина Людмила Егоровна-Ньургуһун ТуусКуо
Мегино — Кангаласский улус.
8.Иванова Марина Титовна-Дьэргэстэй
г.Якутск
9.Нутчин Николай Николаевич-Дьуур
Олекминский улус.
10.Попова Варвара Куприяновна — Талаһалаах кыыһа
Намский улус.
11.Рожина Елизавета Софроновна-Ил Ииһэ
Верхоянский улус.
12.Иванова Зинаида Семеновна-Чөмчүүк
Хангаласский улус.
13.Константинов Андрей Васильевич
г.Якутск
14.Харитонова Марфа Александровна
Мегино-Кангаласский улус.
15.Слепцов Михаил Николаевич
Верхоянский улус.
16.Степанов Константин Максимович
г.Якутск
Эбэм миигин маанылыыр
Ырыых-ыраах ол кэмҥэ,
Дьикти кэрэ түгэҥҥэ,
Оҕо сааһым үҥкүүлүүр,
Дьиэрэҥкэйдээн көрүлүүр…
Эбэм миигин маанылыыр,
Сүүспүттэн куруук сыллыыр,
Эйэҕэстик мичээрдиир,
Сылааһыттан бэлэхтиир.
Ырыых-ыраах ол кэмҥэ,
Кустук түһэр тиэргэҥҥэ,
Дьэрэкээнник ойуулуур,
Дьүрүскэҥҥэ суһумнуур…
Эбэм миигин маанылыыр,
Таҥас тигэн мындырдыыр,
Сиэдэрэй оҕуруолуур
Сир симэҕэ оһуордуур.
Ырыых-ыраах ол кэмҥэ,
Мэник-тэник түгэҥҥэ,
Ардахтаан көрүлэтэр,
Чалбахха сөтүөлэтэр…
Эбэм миигин маанылыыр,
Таҥастарбын сууйталыыр,
Саппыкыбын кээнчилиир,
Атаахтатан биэбэйдиир.
Ырыых-ыраах ол кэмҥэ,
Дьүкээбиллиир түгэҥҥэ,
Кырса хаарбыт үллүктүүр,
Кыырпахтара үҥкүүлүүр…
Эбэм миигин маанылыыр,
Саҕынньахпын саҕалыыр,
Этэрбэспин билэлиир,
Үтүлүкпүн киэргэллиир.
Ырыых-ыраах ол кэмҥэ,
Тэлэһийэр түгэҥҥэ,
Ыраах куорат угуйар,
Сайылыгым сайыһар…
Эбэм миигин маанылыыр,
Үрүмэтин арыылыыр,
Алаадьытын дьэдьэҥниир,
Алгыс тылын бэлэхтиир…
Ырыых-ыраах ол кэмҥэ..
Кустук түһэр, тиэргэҥҥэ…
Светлана Андреева-
Маайа Сиэнэ.
Дьокуускай куорат
Эбээм сылабаара
Ыралаах күннүүн сэргэстэһэн,
Сандалы тула сэһэргэһэн,
Сылабаар суоһугар олорон
Эбээм итии чэйи кутара…
Устар наҕыл сүүрүгэр,
Уолан бүппэт уйгутугар,
Үүт, сүөгэй далбарыгар
Дьиэ кэргэни түмэрэ.
Күлтэйбит көмүс күөнүгэр
Кичэм санаатын сыыйаары
Симиктик мичээрдээн ылара,
Ытарҕатын эйэҥэлэтэрэ.
Эбээм, күн тэҥэ мала
Өбүгэлэриттэн бэлэҕэ,
Дьоһун мааны көстүүлээҕэ
Алгыс аанын сөргүтэрэ.
Оҕо саас сылаас эйгэтэ
Алтан дуйдаах сылабаара
Сэмэй сыһыан тыыннааҕа,
Харысхаллаах аналлааҕа.
Эбээм барахсан сылабаара …
Күөдьүйбүт күөх төлөнө,
Туос сыттаах унаар буруота
Сырдыгы-ырааһы түстүүрэ.
Алаас Илгэ
Нам. Таастаах.
30.01.25.
Эбээбит күөрчэҕэ…
Сайыҥҥы сарсыарда эбээбит
Күөрчэҕин ытыйар тыаһыттан
Минньигэс уутуттан уһуктан,
Тыыллаҥныыр оҕо саас барахсан
Кэм кэрдии туманын быыһыгар
Кэлбэттии ырааттар ырааттар.
Эбээбит отонноох күөрчэҕэ
Ымсыырда үллэрин кэриэтэ,
Улаатан үөрэххэ тардыьан,
Сайдыы дьол суолугар ытыллан,
Төрөөбүт уйаттан тирэнэн
Алгыстаах айаны туппуппут.
Эбээбит күөрчэҕин ийэбит,
Ийэбит күөрчэҕин мин бэйэм,
Солбуйан сарсыарда бэлэмнээн,
Сиэннэрбэр барыанньа тумалаан,
Кыракый кытыйа аайытын
Кутаммын остуолга уурабын.
2023 Хорообут АК
АЛГЫСКЫН ТОЛОРУОМ
Эбэккээм, олуһун даҕаны аҕынным —
Кылгасчаан суһуохпун сэрэнэн тарыыргын,
Убаҕас баттахпар баанчыгы баайаҥҥын
Сэгэйэ, тэлээрэ дьоллоно үөрэрбин.
Эбэккээм, олуһун даҕаны аҕынным —
Сыллатан минньийэн үөрэхпэр ойорбун,
Биэс сыана ыламмын мичээргин көрөрбүн,
Үөрэххэ дьулуурбар хайҕалы ыларбын.
Эбэккээм, олуһун даҕаны аҕынным —
Улаатан да баран ньилбэккэр сытарбын,
Хоонньугар киирэммин кутталтан куотарбын,
Сыллааммын, кууһаммын дуоһуйа тыынарбын.
Эбэккээм, олуһун даҕаны аҕынным —
Сымнаҕас ытыһыҥ сылааһар бигээҥҥин
Олоҕум суолларын арчылаан кэпсииргин,
«Улаатан үтүөкэн киһи буол» алгыскын.
Эбэккээм, эппиккин үгүһүн толордум,
Алтуоммар чугаһаан сиэннэрдиин хаамсабын…
Бу айар талааным төрүттэн бэриллэн
Ахтылҕан хоһооммун Эйиэхэ аныыбын.
Таптыыбын, ахтабын мин күндү Эбэккээм,
Кырачаан сиэнчээниҥ тапталгар бигэнэр,
Үйэ-саас тухары арыаллыыр Аанньалым
Сүүс сааспын куоһаран алгыскын толоруом.
Дьэбдьиэй Сиэнэ Дьааҥы 28.02.2024.
МИН ИСТИҤ ЭБЭБЭР
Мин эбэм эйэҕэс мичээрин,
Маанылаах элэккэй майгытын,
Санньыйбат сайаҕас санаатын,
Салгыппат таптала истиҥин,
Сүрэхпэр сүппэттии иҥэрэн,
Сүтүктүүр эбиппин бу кэлэн.
Айан суол аартыгын тэлэммин,
Айаннаан эбэбэр кэлэрим,
Минньигэс соботун хоторон,
Мичээрдии көрсөрө дьоллонон,
Арыылаах алаадьы астанан,
Аал уотун астына аһатан.
Сүүрэрэ утары тиэтэйэ,
Сиэнчээнин сүрэҕэр бигиирэ,
Сүүспүттэн сахалыы сыллыыра,
Сиигирбит хараҕа, үөрүүтэ,
Сып-сырдык таммаҕа ыгылла,
Сып-сылаас ахтылҕан кууһара.
Ол курдук билигин саныыбын,
Олус да бу кэрэ киһибин,
Олохпор мин суолбун сирдээбит,
Оһуордаах дьылҕабын симээбит,
Соҕотох мин истиҥ эрэлбин,
Сэмэйкээн мин күндү эбээбин.
В.е
САНААБАР — ЭБЭЭМ!
Санаа буолума кутурҕан аһыыта
Санаа аалыма чыпчылҕан түгэнэ,
Санаа бараама Эбээм сэниэтин
Санаа буулаама Эбээм дьоллооҕу!
Саныыр санаа бараммат баттыга
Саныыр, ахтар — дууһа ыарыыта
Санаа ситимэ — оспотох баастаах
Санаа кулута — Эбээм барахсан!
Санаан ылбатар саатар биир чаас
Санааҕа тутар аалар аһыытын,
Санаан аһарбатар биир түгэҥҥэ
Санаа дорҕоонун, мин Эбээм!
Санаа модун буолар күүһүнэн
Санаа түһүүтэ тахсыылааҕынан
Санаа ытыллар үлүскэнигэр
Санаата көнньүөрэр — мин Эбээм!
Санаа — улуу айымньы кэриэтэ
Санаа — балысхан сайдыы ситимэ
Санаа — барыны баһыйар күүс,
Санаам да тиийбэтэр, диир Эбээм!
Лугинов Борис Степанович,
Борис Борогонскай
Уус-Алдан, Бороҕон
Конт. тел. 89141094949
Э/а: sltplugita@mail.ru