1.Гран-При: Старостина Зоя Ильинична-Кичэкэ
Верхоянский улус
2.Лауреат 1ст: Зыкова Надежда Егоровна-Сандаара г. Якутск
3.Лауреат 2ст: Аргунов Алексей Григорьевич-Мичиллэ Среднеколымский улус.
4.Лауреат 3 ст: Львов Данил Прокопьевич — Айылҕа Уола Сунтарский улус.
5.Дипломант 1 ст: Тегюрюков Александр Федорович — Өлөксөөн Томпонский улус.
6.Дипломан 2ст : Силина Розалия Михайловна
г.Якутск
7.Дипломант 4 ст: Новгородова Прасковья Васильевна Намский улус
Дипломант:
1.Спиридонова Олимпиада Серафимовна
Сунтарский улус
2.Иванова Светлана Дмитриевна-Намыына
Мегино-Кангаласский улус.
3.Иванова Евдокия Георгиевна-Дьэбдьиэй
Верхневилюйский улус.
4.Дьяконова Дария Романовна
Намский улус.
5.Мойтохонова Анна Илларионовна
Верхневилюйский улус
6.Винокурова Мария Иннокентьевна
Среднеколымский улус
7.Сыроватская Татьяна Дмитриевна
Якутск
8.Иванова Таисия Ивановна
Нюрба — Якутск
9.Неустроева Марианна Ариановна-МАрыйаана
Амгинский улус.
10.Иванова Зинаида Семеновна
Хангаласский улус.
11.Сандаар Күн Сандаара Сулус кыыһа
Чурапчинский улус.
12.Харитонова Марфа Александровна
Мегино-Кангаласский улус.
13.Михайлова Дария Дмитриевна
Чурапчинский улус.
14.Ладина Елена Дмитриевна-Кэрэли
г. Якутск
15.Шишигина Марфа Иннокентьевна
Мегино-Кангаласский улус.
16.Скрябина Зоя Николаевна
Мегино-Кангаласский улус
ДЬАХТАР ДЬОЛО
Дьахтар дьоло- дьиэ кэргэнэ,
Итии астаах ,сылаас уота.
Дьахтар дьоло-таптал кыыма
Биһирэбил сыанабыла.
Дьахтар дьоло-кэскиллэрэ
Уруу-аймах тэнитиитэ.
Дьахтар дьоло-иллээх кэргэн,
Итии-истиҥ сыһыаннара.
Дьахтар дьоло -тула иэнэ,
Сибэккиннэн киэргэммитэ.
Далын иһэ далбаарыччы
Ынах-сүөһү туолбутунан.
Хоргуннахтаах алаадьыта
Хото дэлэй ууруллара.
Дэйбииринэн далбааттанан
Далба хотун буолуутунан.
Дьахтар дьоло-далай муора
Дьоллооторгун —
Дьоллонуоҥ .
Старостина Зоя Ильинична-Кичэкэ
Верхоянский р-н.
пос.Суордах.
МАХТАНЫАХ ИЙЭҔЭ ТЫЫННААҔАР
Ийэлэр бу сиргэ баар буолан
Аан дойду олоҕо салҕанар,
Олоҥхо дойдутун тойуга
Үйэттэн үйэҕэ туойуллар.
Сааһыран истэхпит аайытын
Ийэттэн ыраата тэйэбит,
Эрэнэр, кэтэһэр эбитин
Ардыгар отойун умнабыт.
Күн — күбэй ийэни харыстааҥ,
Хомоппот буоларга кыһаллыҥ,
Барбытын даҕаны кэнниттэн
Туохтан да кэмсиммэт туһуттан…
Кэпсэтиҥ киниэхэ тиийэҥҥит,
Утары олорон көрсөҥҥүт,
Кыраттан даҕаны үөрээхтиэ,
Кыната куорсунун анньыныа…
Күндүттэн күндүгэ, ийэҕэ,
Күн сирин көрдөрбүт киһиэхэ
Махтаныах ийэҕэ тыыннааҕар,
Махтаныах бу сиргэ баарыгар….
Сандаара, Дьокуускай, 2025
Махталым эйиэхэ
Күннээҕи олоҕум доҕоро
Кэргэним барахсан сэгэрим,
Күннэтэ сэмэтэ бараммат
Кыратык сыыһарым сатаммат…
Кэпсии олорон мөҕүөҕэ
Кыраттан даҕаны тымтыаҕа,
Кыратык таһырдьа уһааммын
Көрдүөҕэ сүтэрэн кэлиэҕэ…
Кэтэһиэ үлэттэн кэлэрбэр
Көрсүөҕэ үөрүөҕэ кэпсиэҕэ,
Кэтэспит эбиэтэ сойуоҕа
Кыратык хаарыйан ылыаҕа…
Кэргэним миэнэ кытыана
Күнүүлээн ылыаҕа кыыһыра,
Кэнэн санаата оонньуоҕа
Кыргыттар диэки көрүмэ…
Кирдээх таҥаспын сууйуоҕа
Кыратык кыыһыран мөҕүөҕэ,
Көлөһүн балаһын аллыаҕа
Кыратык хамсанан ылыаҕа…
Күннээҕи үлэттэн түбүктэн
Киэһээ сылайан сытыаҕа,
Кэлэммин атаҕын илиитин
Көрдөһүө имитэн биэриэхпин…
А. Аргунов-Мичиллэ.
Доҕорбор
Ийэлии бэрийэр,
Итии чэй тэрийэр
Тапталлаах доҕорбун
Таптыыбын олуһун!
Сааһырдар даҕаны
Сааһылыыр барыны,
Күннээҕи түбүгү
Көтүппэт үгүһү.
Эппэккэ бардахха
Эрэйэ эбиллиэ,
Хойутаан хааллахха
Хомойуо, иэдэйиэ.
Остуолу тардыаҕа,
Оҕолуу суохтуоҕа,
Түннүккэ олоруо,
Түүннэри одуулуо.
Итинник киһини,
Иһирэх кэргэни…
Кимнээҕэр харыстыах,
Киниэхэ махтаныах!
Айылҕа Уола — Львов Данил Прокопьевич
Сунтаар улууhа, Күүкэй нэh.
ТАПТАЛЫМ СЫЛААҺЫНАН
Тымныы кыһын да буоллун
Эн туннүгүн анныгар сэрэнэн
Хаарга сибэкки үүннэриэм кэккэлэтэн
Илгийэр тапталым сылааһынан
Кыстык хаар да кыыдамнаатар
Эн сылдьар аартыккар
Аар хатыҥы көҕөрдүөм наскытан
Күүстээх тапталым суоһунан
Бытарҕан тымныы да турдун
Үрдүгэр күөрэгэй дьурулас ырыатын
Ыллатыам эйиэхэ анааммын
Тапталым иэйиитин этэммин
Кыһыҥҥы хараҥа да сабардаатын
Күн сырдыгын бэлэхтиэм
Сылааһынан угуттуом
Дьиҥнээх таптал күүһүнэн
Халлаан чаҕыл сулустарын
Хомуйан бөлөхтүү тутаммын
Үөрдэ көтүтэ туттарыам
Тапталбар истиҥник билиниэм
Хотугу дьүкээбил суһумун
Санаам күүһүнэн соһоммун
Эн суолгун күндээрдэ сырдатан
Таптыырбын этиэҕим сибигинэйэн
Өлөксөөн - Александр Федорович Тегюрюков ,Томпо, Кириэс -Халдьаайы