1.Гран — При: Уран Күннэй Саргын кыыһа
Намский улус.
2.Лауреат 1степени:
Семенова Татьяна Петровна-Татыйаас
Амгинский улус.
3.Лауреат 2степени:
Парникова Юрчана Юрьевна
Намский улус.
4.Лауреат 3 степени:
Петрова Розалия Константиновна
г.Якутск
5.Дипломант 1степени:
Бандерова Люция Ивановна-Айыллаана
Среднеколымский улус.
6.Дипломант 2степени:
Спиридонова Олтмпиада Серафимовна
Сунтарский улус.
7.Дипломант 3 степени:
Копырина Елена Гаврильевна-Сайдыына
Усть-Алданский улус.
Дипломанты:
1.Евсеева Каджана Николаевна-Чэлгийэ
Сунтарский улус.
2.Яковлева Марина Дмитриевна — Куома Куо
Мегино-Кангаласский улус.
3.Азарова Надежда Егоровна-Алаас Илгэ
Намский улус.
4.Кондратьева Мария Николаевна
Чурапчинский улус.
5.Хабарова Анна Степановна-Айталы
Намский улус.
6.Сивцева Елизавета Петровна-Күндэйэ
Чурапчинский улус.
7.Борисова Любовь Ивановна-Таптал Чагда
Кобяйский улус.
8.Старостина Любовь Николаевна-Чөрүмчээнэ
Верхоянский улус.
9.Сыроватская Татьяна Дмитриевна
Якутск
10.Санникова Зоя Лукинична-Үчүгэй
Якутск
11.Попов Николай Семенович-Дойду Ньукулайа
Хатассы
12.Никифорова Наталья Николаевна-Сайыына
13.Аржакова Софья Никифоровна
Таттинский улус.
14.Харитонова Любовь Иннокентьевна-Барахсаана
Намский улус.
15.Игнатьева Пелагея Семеновна-Намыына
Чурапчинский улус.
16.Новгородова Прасковья Васильевна-Чэлгийээнэ
Намский улус.
Эбэм, эбэм барахсан
Эмньик сааспыттан күүстээх өйөбүл,
Эбэм туһунан үтүө өйдөбүл,
Биһигин ырыата кулгаахпар иһиллэр,
Бэлэҕим миэнэ уран тыл тиһиллэр.
Хобороос диэн таптыыр эбэлээҕим,
Оһох тыаһа, сахалыы эйгэлээҕим,
Оллоонноон олорон кинигэ ааҕарым,
Хараҕа суох аанньалбын аралдьытарым.
Кини күүстээх санаатын сөҕөрүм,
Утуйарыгар баттаҕын өрөрүм,
Куобах суорҕанынан сабарым,
Уонна иэдэспиттэн сыллатарым.
Айылҕа анаабыт бэлэҕин туһанан,
Араас иһити тигэрэ туоһунан,
Чабычаҕын, ыаҕаһын сииктэрэ-
Чахчы да -сир симэхтэрэ.
Эбэбин олус таптыыбын,
Эриэккэс бэйэтин ахтабын,
Күн аайы кэриэтэ саныыбын,
Күндүбэр хоһооммун аныыбын.
Саргын кыыһа Күннэй
Биһиги киэн туттан кэпсиибит
Бииргэ төрөөбүт убайдарым,
Баар-суох күндү дьоннорум,
Бүөбэйдэһэ суулаһан улааппыттарым,
Баччаҕа дылы бөҕө-таҕа тирэхтэрим.
Бэйэҕит дьылҕаҕыт ыйааҕынан
Бүччүм баҕа санааҕытынан,
Бигэ эрэллээх тапталгытынан,
Булан ылбыккыт саҥастарбын.
Бэтэринээр,пуобар идэлээхтэр,
Бэйэ-бэйэлэригэр майгыннаһаллар,
Бииртэн биир олус диэн кэрэлэр,
Балыстыы-эдьиийдии сайаҕастар.
Бүппэт-оспот дьиэ түбүгүттэн ордоннор,
Барытын сыа-сым курдук тутаннар,
Барыга бары тута олус сыстаҕастар,
Бииргэм кыайыгас- хотугас үлэһиттэр.
Бириэмэ сыыдамнык эргийэр эргиирэ
Букатын уларыппат эбит кинилэри,
Бэл билигин даҕаны оннук эдэрдии,
Букунайаллар сэмэйдик мичээрдии.
Биһиги киэн туттан кэпсиибит бар-дьоҥҥо,
Баһыыба мааныта- эһиэхэ саҥастарга,
Бэйэкээннээх кэрэ Еленаҕа,Октябринаҕа
Биһиэхэ удьуору бэлэхтээбиттэргэ!.
Барыта санаа хоту этэҥҥэ буолан,
Баҕа санааҕыт күннэтэ барҕара туолан,
Байым-сайдам олоҕу үөрэ-көтө түстээн
Быр-бааччы этэҥҥэ, дьоллоохтук олоруҥ!.
ТАТЫЙААС
Чапчылҕан.
2026с.
Баар эбэм
Баар кини,
Баар бу олоххо күндү киһи
Баахыла курдук сахалыы сайдам сыттаах,
Байҕал курдук дириҥ саймаархай харахтаах.
Баар кини,
Баар бу олоххо сылаас киһи
Бар дьоҥҥо сайаҕас, сымнаҕас сыһыаннаах,
Бараммат-хороммот баай-талым дууһалаах.
Баар кини,
Баар киэҥ көҕүстээх холку киһи
Бааллардаах олоҕу холкутук туораһар,
Баары баарынан оргууй аҕай ылынар.
Баар кини,
Баар бу олоххо сэмэй киһи
Барыны бары кыайа-хото оҥорор,
Баһаамнык ону саҥарбаты ордорор.
Баар кини,
Баар бу олоххо сирдиир киһи
Бааһырбыт сүрэххин мэлдьитин уоскутар,
Балысхан түгэҥҥэ аттыгар баар буолар.
Баар кини,
Баар дууһаҕын уоскутар киһи
Баттаххын сылаас-сылаастык имэрийэр,
Баскыттан сырылаччы сыллаан мичийэр.
Баар кини
Барар суолгун суолталыыр киһи,
Барбах да кыайыыгыттан үөһэ көтүтэр,
Байдам тапталынан олоххун ситэрэр.
Баар саххар,
Баар тымыргынан сүүрэр хааҥҥар,
Баар бу тэбэр сүрэххэр, өйгөр-санааҕар
Баар, кини “эбээ” диэн истиҥник ааттанар.
Баар эбэм,
Баар олоххо киэн туттар киһим,
Балысханнык санаабар саҕыллар тыллар
Барҕара мин эбэм утумун салгыыллар.
Парникова Юрчана Юрьевна
Үлэһит бастыҥа — учуутал эдьиийим
(Эдьиийбэр Татьяна Константиновна Макароваҕа ананар)
Олоҕум биир күндү, күн көмүс бэлэҕэ-
Ийэлии эйэҕэс, элэккэй Эдьиийим.
Оскуола кыһатын күннээҕи түбүгэр
Олоххун барытын оҕоҕо анаатын.
Күн күбэй Ийэбит идэтин утумнаан
Туйаҕын хатарар учуутал — Эн буоллун.
Кэнчээри ыччаты сырдыкка сирдээҥҥин
Ааҕарга, суоттуурга, сурукка үөрэттин.
Бараммат билиигин, дьоҕургун үллэстэн
Киэҥ куйаар алыптаах аартыгар сирдээтин.
Сиэр-майгы эйгэтин ыллыгын биллэрэн
Олоҕу харыстаан таптыырга үөрэттин.
Учуутал сыралаах, ыарахан үлэтин
Бу сыллар тухары баһылаан байыттын.
Билиигин, көрүүгүн үгүөрү үллэстэн
Эдэргэ сүбэһит учуутал, эн буоллун.
Үөрэтэн таһаарбыт сахабыт ыччата
Үөрэхтэн, үлэттэн толлоннор турбаттар.
Тапталлаах идэни толору баһылаан
Сайдыылаах олоҕу уһанса сылдьаллар.
Билигин кинилэр үтүмэн элбэхтэр
Кэскиллээх олоҕу анааран түстүүллэр.
Үлэһит мааныта, хайҕалга сылдьаннар
Эйиэхэ махтал тыл алыбын этэллэр.
Күн бүгүн эдьиийим сааскылыы эдэргин
Оҕолуун алтыһан дууһалыын сырдыккын.
Үлэҕин таптааҥҥын, үрдүктүк тутаҥҥын
Тулалыыр эйгэттэн дуоһуйар дьоллооххун.
Розалия Константиновна Петрова,
Дьокуускай
ТАПТЫЫР КҮНДҮ ЭДЬИИЙБЭР
Элэккэй майгылаах
Эйэҕэс дууһалаах,
Эдьиийим барахсан
Эйигин таптыыбын.
Кыракый сааспыттан
Кыһаллан оҕолоон,
Күн аайы эн миигин
Көрөҕүн-истэҕин.
Сүргэбин көтөҕөн
Санаабын уоскутан,
Сүрэхпин сүүйэҕин
Сүрдээҕин үөрдэҕин.
Айаҥҥа барарбар
Аартыгым суоллара
Аһаҕас буоллун диэн
Алгыстаан ыытаҕын.
Ыллыктаах ыырдарым
Ып-ыраас буоллун диэн,
Ымыылаах тыллары
Ыпсаран этэҕин.
Быстыбат быа курдук
Биир ситим буоламмыт,
Бу күҥҥэ диэритин
Бииргэбит мэлдьитин.
Эдэрчи көрүҥүҥ
Эйигин киэргэтэр,
Эрчимнээх туругуҥ
Эрэли үөскэтэр.
Истиҥник махтанан
Иһирэх тылынан,
Ийэлии сыһыаҥҥар
Иэйиибин аныыбын.
Эдьиийим-мин күнүм,
Эдьиийим- мин ыйым,
Эдьиийим-мин дьылҕам ,
Эдьиийим-мин дьолум!
ЛЮЦИЯ- АЙЫЛЛААНА
БАНДЕРОВА
Орто Халыма улууһун
Ойуһардаах бөһүөлэгэ.
ДЬАХТАР БАРАХСАН
Олимпиада Спиридонова
Мэлдьи эрдэ күнү көрсөөччү,
Үөрэ — көтө мичилийээччи,
Минньигэс күөрчэх ытыйааччы,
Сандалыга куруук күүтээччи —
Дьахтар.
Хотоҥҥо бастакы тахсааччы,
Үүтү — сүөгэйи да алларааччы,
Кыптыыйы лыҥкыр ыллатааччы,
Иис — куус диэн муннукка ытааччы — Дьахтар.
Тапталы сүрэҕэр саҕааччы,
Эр дьон бэрдин кутун тутааччы,
Үлэлээн хайҕалга сылдьааччы,
Оҕону, сиэнчээни тэнитээччи —
Дьахтар.
Саныыбын мэлдьитин киэн тутта,
Күнү — ыйы хаамтарар аналлааҕы,
Кэбэҕэс эргитэр кыахтааҕы,
Сир киэргэлэ Дьахтар барахсаны.
Кэппэндээйи, Сунтаар, 09.03.2026 сыл
Саҥаспар Ааныска аныыбын.
Сэттэлиирэ саастаахпын
Санаан ахтан ыллахха,
Саҥас буолан сандааран
Сүктэн кээлтин биһиэхэ,
Сүрдээх нарын сэмэй кыыс.
Аал уоккутун оттунан
Алаһа дьиэ тэринэн,
Иитэр сүөһү күрүөлээн,
Оҕо — уруу төрөтөн
Олорбуккут дьоллонон.
Күн ийэм көрбөт буолан
Кэлэр — барар сир кыараан,
Кыһалҕаҕа ылларан
Кыпчыттарбыт кэмнэрбин,
Олук ууран быһааран,
Ийэбинээн олордон
Көмө — тирэх буолаҥҥын,
Киһи буолар кэскилбин
Оҥорсубут үтүөҕүн,
Ама умнар үһүбүөн.
Үлэни өрө тута,
Холобурдаан көрдөрө
Үөрэтэрин такайа,
Өйгө сүрэххэ өрүү
Өйдөбүнньүк буоллаҕа.
Үлэ — хамнас түбүктээх
Сайылыктаах пиэрмэлиин,
Унаарыйар түптэлээх
Оччотооҕу кэрэ кэмниин,
Сибээстээххин бииргэҕин.
Өйдөөн санаан ыламмын
Махталынан ахтабын,
Хоһооммор хоһуйан
Барҕа баһыыба тылбын,
Куйаар нөҥүө тиэрдэбин.
9.03.2026с.
Копырина Елена Гаврильевна — Сайдыына
Уус — Алдан Бороҕон