1.Гран — При: Парникова Юрчана Юрьевна
Намский улус.
2.Лауреат 1степени:
Семенова Татьяна Петровна-Татыйаас
Амгинский улус.
3.Лауреат 2степени:
Тимофеев Николай Васильевич-Куола Тылгыны
Вилюйский улус.
4.Лауреат 3 степени:
Васильев Василий Егорович
Вилюйский улус.
5.Дипломант 1степени:
Аммосова Альбина Афанасьевна-Күндээдинискэйэ
Нюрбинский улус.
6.Дипломант 2степени:
Потапова Татьяна Иннокентьевна-Татыйык Мыла
Якутск
7.Дипломант 3 степени:
Сергеева Наталья Егоровна-Аана Кыыһа
Чурапчинский улус.
Дипломанты:
1.Алексеев Николай Иванович-Мөлдьөөт Өлөөнү
Горный улус.
2.Бандерова Люция Ивановна-Айыллаана
Среднеколымский улус.
3.Пухова Анастасия Ивановна
Намский улус.
4.Назарова Мария Семеновна-Хаачылаана
Мегино-Кангаласский улус.
5.Федотов Владимир Егорович — Одун
Намский улус.
6.Хабарова Анна Степановна-Айталы
Намский улус.
7.Васильева Елена Егоровна
Эвено-Бытантайский улус.
8.Сивцева Елизавета Петровна — Күндэйэ.
Чурапчинский улус
9.Лаптева Елена Петровна
Среднеколымский улус.
10.Иванова Таисия Ивановна
Нюрба-Якутск
11.Иванова Марина Титовна-Дьэргэстэй
Нюрба-Якутск
12.Петрова Айталина Гаврильевна-Айталаана
Вилюйский улус.
13.Рожина Елизавета Софроновна — Ил Ииһэ
Верхоянский улус.
14.Кондратьева Мария Николаевна
Чурапчинский улус.
15.Лукин Семен Титович-Тиит уола
Якутск
16.Сорошева Дария Ивановна
Таттинский улус.
Норуотуҥ эйигин күүтэр.
Анал байыаннай дьайыыга
Талыы дьоммут айаннаата,
Уоттаах сэрии алдьархайа
Норуот сүрэҕин аймаата.
Саха чулуу эр бэртэрэ —
Сэрии сытыы бэдэрдэрэ
Боотур куйаҕын анньынан
Киирсэллэр уот хараҕынан.
Саха хоодуот уолаттара —
Сэрии сытыы кылыстара
Өстөөҕү сүүс сүүскэ көрсөр,
Күүһэ-уоҕа дьэ сөхтөрөр.
Саха дьорҕоот бөҕөстөрө —
Киэҥ көҕүстээх өрүөллэрэ
Кынаттаах көтөр дьабынтан
Куттамматтар дыыгыныыртан.
Саха бэргэн эрэттэрэ —
Норуот бигэ эрэллэрэ
Кимэр өстөөх таанкаларын
Сууһараллар биир ытыынан.
Саха уола — дьиҥнээх доҕор,
Сатабылын омук сөҕөр.
Оргуйар буруо быыһыттан
Таһаарар атаһын уоттан.
Норуот ииппит чулуу уола,
Дойдуҥ эн күүскэр эрэнэр,
Сахабыт Ньургун Боотура,
Норуотуҥ эйигин күүтэр!
Юрчана Парникова, Хамаҕатта, Нам улууһа
Төрөөбүт дойдун күүтэр
Хабыр дьайыы тыына
Хаарыйда саха ыалын,
Хас дьиэ-кэргэн аайы
Хонуктаһан суоһаата.
Ийэ,ийэ барахсан
Итии сүрэҕин аҥара,
Ии,бэйэтин сорҕото
Ииппит соҕотох оҕото.
Инникигэ эрэлэ,
Ийэ дойдутун иһин,
Илиэһэй сэриигэ
Иэстэһэ турунна.
Аймана хараастан,
Алгыс тылын аныы,
Атаарда уолчаанын
Аана суох иэдээҥҥэ.
Аныгы үйэ охсуһуута
Аныгылыы күүстээх,
Аһыммат аналлаах
Алдьархай»дроннаах».
Хара өһөх дьайдаах,
Холорук ытылҕаннаах,
Хаан тохтуулаах,
Хабараан суостаах.
Ийэ барахсан алгыһа
Истиҥ,иһирэх баҕата
Илэ күүһэ-харысхала
Иилии эргийэ сылдьан
Көмүскээтин эйигин,
Күнүҥ-ыйыҥ күндүтүн,
Күтүр дьулаантан,
Күчүмэҕэй түгэнтэн.
Саха хорсун буойуна,
Саха хоодуот ньургуна,
Самнар-эн өстөөҕү,
Салыннар эн-сиэмэҕи.
Букатын чугуйбакка,
Буулаҕа күүскүнэн,
Баламат бэйэтин
Булгурут кинини.
Этэҥҥэ сылдьаҥҥын,
Эйэни уһансаҥҥын,
Эн-төннөөр дойдугар,
Эргиллээр түөлбэҕэр.
Күүтүөхпүт долгуйа,
Кэтэһиэхпит эрдийэ,
Көрсүөхпүт уйадыйа,
Киэн туттуохпут -сүгүрүйэ.
ТАТЫЙААС
Чапчылҕан.
2026с.
АБДЬ
Сэриини хоһооҥҥо тиһиэхпин
Суруйар тыллары булбаппын,
Сүүдүйэн ньүөлүйэр сүрэхпин
Сүр кутун уоскутар буолбаппын.
» Кытыы сир» кытаҕын кыйдара
Кытыастар уот сэрии кутаата,
Кырыктаах тэргэннэр суостара
Кырыс сир иэннэрин хамсатта.
Ол онно, тыын- тыыҥҥа харбаһыы
Олоҕу илэ, толук ууруу,
Омуннук сырдыкка тардыһыы
Охсуһан, дьиҥ тыыны толунуу.
Күн тура сылаалаах самнарсыы
Кытаанах кэмнэрэ кыттыһар,
Кылбайар кырдьыгы уһансыы
Кылыһа кылбайа кыдыһар.
Сылайбыт- элэйбит уолаттар
Сыталлар буор хайыҥ хаххаҕа,
Санааны түһэрбэт эрэттэр
Сырдыгы ыһаллар тулаҕа.
Кыайыыга дьулуйан кинилэр
Кыргыһыы уотугар киирэллэр,
Кыдыйсыы кыһарҕан кыдьыгын
Кыйдаары киирсэллэр, күн бүгүн.
Дьыл- хонук күннэрэ ааһаллар
Дьиҥ сэрии суоһунан субуллан,
Хапсыһыы хатана хатыллар
Харахха бу баардыы арыллан.
Дойдуттан ыраатан сылдьаннар
Суохтууллар Ийэ сир сылааһын,
Дууһалыын таттаран сырдааннар
Саныыллар төрөөбүт сирдэрин.
Эйэлээх олоҕу эргитэн
Элиэтии көтүөҕэ эрэлбит,
Эн саллаат, тулуй дуу, эрдийэн
Эбиллэр күүс уоххун түмүнэн.
КУОЛА ТЫЛГЫНЫ 19.02.2026.
Хорсун кыыска.
Эйиэнэ буолбатах барыма
Ааттаһа хаалбыта ийэтэ,
Арай дьэ дьиппиэрбит аҕата
Эргиллээр кэтэһиэм диэбитэ.
Харса суох санааны ылыммыт
Эдэр кыыс сэриигэ тылланна,
Доҕорун сүтэрэн кыламмыт
Сүрэҕэ оннукка таласта.
Медсанбат инники кирбиигэ
Эмискэ баар буола түспүтэ,
Хабырдык хардары киирсиигэ
Сылдьыспыта кини биир тэҥҥэ.
Бааһырбыт саллааты сосуһуу
Маҥнайгы көмөнү оҥоруу,
Хачаайы санныгар тайанта
Куттаныы соһуйуу кыйданта.
Өйүттэн биир санаа арахпат
Сүтэрбит доҕорун көрдөөһүн,
Эрэлин сүтэрбэт самныбат-
Муҥ саатар өлүгүн көмөөһүн.
Ытыһар инники кирбиигэ
Көмөнү оҥоруу кэмигэр,
Кыыс муҥнаах миинэҕэ табыллар
Хамсыыр кыаҕа да суох бааһырар.
Хаан барар баастарын тохтотор
Бээтигэр укуолун оҥостор,
Ол кэннэ өстөөҕүн тоһуйар
Утары ытыалаан охторор.
Ол курдук суукканы тухары
Соҕотох охсуһа сыппыта,
Бэриммэт туһуттан ыксары
Ыбылы граната туппута.
Сибиньиэс ардаҕы быыһынан
Сахалар эр санаа ылынан,
Кыыстарын быыһаары сыыллыыннан
Аттыгар кэлэллэр чугаһаан.
Кыыс ону кимнээҕин сэрэйбэт
Хардары ытыалыыр билиммэт,
Уолаттар уолуйа түһэллэр
Сахалар кэллибит дэһэллэр.
Ол кэннэ соһуччу уоскуйуу
Сэрэнэн илиини тутуһуу,
Хараҕа ууланан ылааһын
Кирбииттэн төттөрү тахсааһын.
Оҕону төрөтөр аналлаах
Саханы элбэтэр дьылҕалаах,
Хаарыан кыыс сэриигэ барбыта
Харса суох санаата баһыйта.
Васильев Василий Егорович
Бүлүү.Илбэҥэ.
Эргиллии
Хараҥа күлүктэр сабардаан
Өлүү уот айаҕа кытыастар,
Бу сэрии дуораана айааран
Хара дьай дьаһала күөртэнэр.
Айдааннаах аартыктар аһыллан
Эйэлээх олохпут айманар,
Сир ийэ ынчыга иһиллэн
Ааспыты дьулатан санатар.
Бу иирээн бар дьону тургутан
Бүтэһик эрэлин күүркэтэн,
Эдэркээн уоланнар бараллар
Хайаан да эргиллиэх буоланнар.
Кытаанах ыйаахтан толлубат
Урааҥхай оҕото дьулайбат,
Биир санаа толкуйун ситиһиэ
Эйэлээх олоҕун төннөрүө.
Тыгыалас тымырын устунан
Сахатын хаана оонньуоҕа,
Эргитэр холорук өлүүттэн
Эрдээхтик утары көрсүөҕэ.
Өлбөөрбөт саҕахпыт угуйар
Кытара кыымнара
кыыһаллар,
Күүс угар аналыҥ кыһаллар
Кыайыыга эр санааҥ бөҕөргүүр.
Быстыбат ситими түстээбит
Уруйдан, төрүппүт удьуора,
Үтүргэн кэмнэри туораппыт
Айхаллан өбүгэм сыдьаана.
Төрөөбүт эн дойдуҥ күүтэр
Эргиллээр этэҥҥэ эргиллээр,
Төлкөлөөх олоххор эрэнэ
Үйэлээх дьылҕаҕар анана.
Альбина Күндээдинскэйэ
Төннөөрүҥ,уолаттар!
Аҕа дойдуларын көмүскүү,
Адьарай былаанын эһэрдии
Алаһа дьиэлэртэн арахсан,
Бардылар уолаттар хомуллан.
Ким эрэ ис баҕа санааттан,
Көмүскүү дойдутун өстөөхтөн,
Ким эрэ кыһалҕа кыһайан
Кытаанах соругу ылынан.
Эдэркээн оҕочоос да баара
Хорсунун көрдөрөр баҕалаах…
Ол гынан кыргыһыы хонуута
Оҕобут оонньуута буолбатах.
Аҕыйах хонукка тиийээтин,
Алдьархай ааннарын аһаатын
Уолаттар ЭР КИҺИ буоллулар,
Өлүүнү-сүтүүнү көрсөннөр…
Дойдугут кэскилин харыстаан,
Тымныыны-итиини тулуйан
Төннөөрүҥ, уолаттар, төннөөрүҥ,
Кэтэһэр дойдугут эрэнэн!
Сылааска олорон көрбөккүн
Хара дьай сибиниэс ардаҕын,
Хас киһи олоҕо быстарын,
Хастара эргиллэн кэлиэҕин …
Туох иһин эйэлээх олохпут
Отуорун түҥнэри туттулар,
Туох иһин эдэркээн тыыҥҥытын
Төннөрбөт толукка уктулар?
Көрдөһө-ааттаһа, аймана
Күүтэллэр ийэлэр күннэтэ.
Эһээлэр,эбээлэр,аймахтар,
Көҥүлгэ сылдьааччы доҕоттор…
Эдэркээн олоххут салҕаннын,
Этэҥҥэ эргиллэн кэлээриҥ!
Өстөөхпүт буулдьата сиппэтин,
Төннөөрүҥ,уолаттар төннөөрүҥ!
Потапова Татьяна Иннокетьевна — Татыйык Мыла
Дьокуускай.
Эргиллиэм, ийэккээм, эн күүтээр
Сарсыҥҥы саргылаах олохпут-
Чэчирии сайдарын туһугар,
Саа-саадах тутаннар уоланнар,
Соһуччу сэриигэ бардылар.
Алгыстаах алаадьы буһаран,
Үрүҥ сиэл кэҥэрдии сытынан,
Ийэтэ уолчаанын алҕаата:
«Эргиллээр, күүтүөҕүм,»-диэхтээтэ.
Былаатын уһугун имитэ,
Оргууйдук, өрүтэ тыыммахтыы,
Көмүскэ уутунан илийэ,
Хааллылар аймана ийэлэр…
Оол ааспыт уот сэрии дуораана-
Бу баардыы, эҥсиллэн иһиллэн,
Сүрэҕи ыгыта кымыстаан,
Утуйар ууларын аймаата…
Уолчаана, сүрэҕэ сэрэйэн,
Эргиллэн ийэтин көрбөхтүүр…
Илиитин күөрэччи көтөҕөн:
«Эргиллиэм ийэкээм, эн күүтээр,»- диэмэхтиир…
Болҕойон, өйүгэр хатаары,
Оҕотун мөссүөнүн одуулуур.
Сүрэҕин сылааһын бэрсээри,
Оҕотун ыгыта кууспахтыыр…
Сүүһүттэн сэрэнэн сыллаата…
Күүһүттэн күүс-сэниэ бэрсээри,
Нөрүйэн, кулгааҕар сипсийэ,
Алгыстаах тылынан атаарар…
Уолчааммыт долгуйан эппэҥнии,
Хараҕа эмискэ илийэн,
Сүрэҕэ сүр күүскэ тэбиэлээн,
Тулатын эргиччи көрбөхтүүр…
Олоҕун кэрискэ кэрчигэ —
Оҕо саас ол дьоллоох кэмнэрэ,
Чыпчылҕан кэриэтэ түгэҥҥэ,
Хараҕар — бу баардыы элэҥниир…
Күөҕүнэн чэлгийэр алааһа,
Алааһын арылы кустуга…
Былыта суох ып-ыраас,
Күөх да күөх чэмэлкэй халлаана…
Күн уотун күлүмнэс суһумар
Төрөөбүт-үөскээбит түөлбэтэ…
Чаҕаара айманар оҕо саас,
Чугдаарар лыҥкынас күлсүүлэр…
Эргиллэн кэлбэтин сэрэйэн,
Сүрэҕэ кымаахтаан ылбыта…
Ийэтэ барахсан аймана,
Илиитин көтөҕө хаалбыта…
Аана Кыыһа