1.Гран — При: Дьячковская Саргылана Аркадьевна — СаргыЛана
Чурапчинский улус.
2.Лауреат 1степени:
Новгородова Прасковья Васильевна-Чэлгийээнэ
Намский улус.
3.Лауреат 2степени:
Татьяна Куличкина — Дедюкина(Татыйаас)
г. Якутск
4.Лауреат 3 степени:
Кардашевская Надежда Петровна
Верхневилюйский улус.
5.Дипломант 1степени:
Скрябина Зоя Николаевна
Мегино-Кангаласский улус
6.Дипломант 2степени:
Кларов Николай Владимирович, Кыл — Аар
Мегино-Кангаласский улус.
7.Дипломант 3 степени:
Аммосова Альбина Афанасьевна-Күндээдинискэйэ
Нюрбинский улус.
Дипломанты:
1.Тарбахова Альбина Алексеевна -Таатта кыыһа
Таттинский улус.
2.Неустроева Марианна Ариановна-Марыйаана
Амгинский улус.
3.Иванова Зинаида Семеновна-Чөмчүүк
Хангаласский улус.
4.Осипова Елизавета Николаевна-Тупсууна
Нюрбинский улус
5.Санникова Зоя Лукинична-Үчүгэй
г. Якутск
6.Евсеева Аксинья Афанасьевна-Өксөйөрдөөх Өксүү
Абыйский улус.
7.Аржакова Софья Никифоровна
Таттинский улус
8.Иванова Марина Титовна-Алгыстаана
г.Якутск, Марха
9.Борисова Наталья Александровна
Мегино-Кангаласский улус.
10.Старостина Зоя Ильинична-Кичэкэ
Верхоянский улус.
11.Меркурьева Антонина Павловна-Нууралдьын
Сунтарский улус.
12.Рожина Елизавета Софроновна-Ил Ииһэ
Верхоянский улус.
13.Григорьев Николай Николаевич-Шахтер
Нюрбинский улус.
14.Мойтохонова Анна Илларионовна
Верхневилюйский улус.
15.Кондратьева Мария Николаевна
Чурапчинский улус.
- Сивцева Елизавета Петровна-Күндэйэ
Чурапчинский улус.
Төрөөбүт тыл абылаҥа
Быстыбат быйаҥнаах,
Бараммат баайдаах,
Уостубат уйгулаах,
Уйаҕас утумнаах ,
Урааҥхай удьуордаах,
Улуу оһуохайдаах,
Чулуу олоҥхолоох,
Хомоҕой ис хоһоонноох,
Тупсаҕай туруктаах,
Тургутар тойуктаах,
Тэтиэнэх тирэхтээх,
Этигэн этитиилээх,
Эгэлгэ эйгэлээх,
Иэйиилээх илгэлээх,
Иһирэх имэҥнээх,
Дьэрэкээн дьиктилээх,
Кэрэмэс кэрэлээх,
Кэхтибэт кэскиллээх,
Кылбайар кылааннаах,
Ылбаҕай ыралаах,
Ытык өбүгэлээх,
Өрөгөй үктэллээх,
Өлбөөдүйбэт үйэлээх,
Үрүлүйэр үүт-сүөгэй сүмэлээх,
Сүҥкэн сүбэлээх,
Сүдү суолталаах,
Сиэдэрэй симэхтээх,
Симэлийбэт ситимнээх,
Силлибэт ситиилээх,
Сиҥнибэт силистээх,
Самныбат саргылаах,
Абылыыр алыптаах,
Арчылыыр алгыстаах,
Сахалыы саҥалаах,
Төрөөбүт төрүт-
Ийэ тылбын таптыыбын.
Дьячковкая Саргылана Аркадьевна — СаргыЛаана ✍️
Эл.почта: amgalena@mail.ru
Мырыла,Чурапчы.
Олунньу ый 2026 с.
Сахам тыла
Сахам тыла-көөнньүү кымыс,
Уохтаах өлбөт мэҥэ уута.
Сахам тыла-кэрэ симэх,
Сибэкки күөгэйэр хонуута…
Сахам тыла-кустук оонньуур,
Харах үөрэр үгүс өҥө.
Сахам тыла-кыраһа хаар,
Сырдык-ыраас сылаас кыыдама…
Сахам тыла-дохсун ардах,
Сир ньүөлсүйэр сүмэһинэ.
Сахам тыла-дириҥ өрүс,
Элиэнэ эбэм нэлэмэнэ…
Сахам тыла-хомус тыла,
Хомуһуннаах этэр иэйиитэ…
Сахам тыла-ыллыы туойар,
Айар-тутар киэҥ көҥүл дуола…
Сахам тыла-Саха норуот,
Өрө күүрэр сардаҥалара.
Сахам тыла-алмаас тааһа,
Күндээрэ тыгар тырымнара!..
Прасковья Новгородова-
Чэлгийээнэ
Нам Бартыһаан
Саха тыла саргылаах
Көрсө түһээт ,сахалар
,,Кэпсээҥҥит,, диир үгэспит,
Үйэлэртэн саҕыллан
Үөрүүбүтүн үрдэтэр.
Хаһан ,ханна буолбуту
Киэҥ хааһахтан хостуурдуу,
Кэпсээн, сэһэн тутайбат
Сир түннүгэ — күн дьоннор.
Олоҥхобут биһиэнэ
Олох суолун тойуга ,
Оспот олук дорҕооно
Уораһыйа долгутар .
Хоммут уоһу хоҥнорон
Холу — бууту арааран ,
Хотуулаахтык хоһуйар
Хоһооннорбут сиэллээхтэр.
Өбүгэттэн тардыллан
Өс хоһооммут үөрэтэр ,
Өйү — төйү булларар
Өспөт ,сүппэт чахчылар.
Чабырҕахпыт чаҕыллан
Чаабый — иибий чаабырҕаан ,
Чахчы бааччы чаҥыйа
Чаҕылыйа чоргуйар
Үгэлэрбит өйдөтөн
Үөрэ — дьүөрэ күөрэтэн,
Үгүстэри күллэрэн
Үөмэх — аамах түһэрэр.
Талба дьахтар хоһууннуун
Туойсан көрү сүгэннэр,
Таптал көҕүн таарыйан
Таарымтатын таайсаллар.
Алгыс тылбыт арчылыыр
Айылгыта дьиҥ күүстээх ,
Алгыс аалы хоҥнорор
Айыылартан ситимнээх.
Саха тыла саргылаах
Сайдар ,үүнэр кэскиллээх,
Саха тыла кимиэллээх
Саһаҕата кыымнардаах !
Татьяна Куличкина — Дедюкина ( Татыйаас)
Саха сахатынан кэрэ.
Күнү көрсө
Күөх окко
түһүөхпүттэн
Көмүлүөк оьох
Сылааһын билиэхпиттэн
н
Мин сахабын.
Ийэм эмиийин
Минньигэс сүмэтин
А5ам барахсан
Сылаас илиитин
билиэхпиттэн
Мин сахабын.
Эбэм эйэ5эс
Таптыыр хара5ынан
Имэрийэ көрүөҕүттэн
Эьэм оҕонньор
Сырылаччы
сыллыа5ыттан
Мин сахабын.
Үүттээх чэй
иьээри
Алгыстаах алаадьы амсайаары
Мунду, собо аьылыктаах
Булт сонордоох
Мин сахабын.
Ынах сүөһүнү ииттээри
Сылгы көлөлөөх буолаары
Аар тайҕаны
быьаары
Мин сахабын.
Сулустаах халлаан анныгар
Саханы саха дьэтээри
Саха айма5ы
ууьатаары
Кэлбит кэрэмэс киьи
Мин сахабын.
Оьуохайдаан ойоору
Олоҥхолоон онолуйаары
Кэрэ кэпсээн истээри
Мас тардыьа оонньоору
Хапсайдаан харсаары
Мин сахабын.
Ийэ — диэн ыҥырар
Иһирэх тылбытын
А5а — диэн
ааттыыр
Алгыстаах тылбытын
Ил-эйэ диэн этэр
Илбистээх
тылбытын
Үйэлэр тухары
Тыыннаах хааларын туһугар
Туруулаһыахха,харыстыахха, таптыахха
Сахабыт тылын !!!
Зоя Скрябина
Мэҥэ-Хаҥалас улууһа
Төхтүр бөһүөлэгэ
06.02.2026 с.
«Төрөөбүт төрүт тылым»
Төрөөбүт төрүт тылбар
Иҥмит ийэм үүтэ,
Сахалыы сүһүөхтээх саҥабар
Сөҥмүт сүөгэйим сүмэтэ.
Сыалаах тылым төрдүгэр
Түстээбит аҕам алгыһа,
Силиилээх хоргунум үрдүгэр
Сойбот тылым сылааһа.
Көхсүбүн этитэр күммэр
Иһиллиэ дуорааннаах дорҕоонум,
Куоласпын хонуннарар түгэммэр
Иитиллиэ охтоох тылым.
Иэтэр иэйиим долгунугар
Хомоҕой хоһоонум хоһуллуо,
Сытыы тылым кылыгар
Ииппит тойугум туойуллуо.
Тылым куорсуннаах кыната
Кыынньар кымыһы дьалкытыа,
Сахам саҥарар саҥата
Ытаабыт туругу ыллатыа.
Сотуллубат сурукпут бичигэр
Омукпут сарсыҥҥы эрэлэ,
Балаҕаммыт туруору буруотугар
Тыыннаах тылбыт кэскилэ.
Киһи буолан килбэйиэх,
Тылбыт тыыннааҕар махтаныах,
Кустук өҥүнэн киэргэйиэх,
Сахалыы саҥаран сандаарыах.
Кыл-Аар 08.02.2026с.
Төрөөбүт тыл абылаҥа
Дьикти дорҕоон сиэттиһэн
Сааһыланан кэккэлиирэ,
Уран тылга тиһиллэн
Аман өскө кутуллара.
Сахам Сайдам тойуга
Кылыһаҕа дьиэрэйэрэ,
Хатан хомус дьүрүскэнэ
Лыҥкыр кыла дуорайара.
Төрүт тылым илгийэн
Сүмэһинэ сүүрэрэ,
Аар айылҕам иһийэн
Долгураҥҥа кууһара.
Өбүгэттэн кэлбит эбээт
Силис таппыт ситиммит,
Ийэ, Аҕа иҥэрбит
Урааҥхай Саха удьуорбут!
Альбина Күндээдинскэйэ